Last updated on February 27th, 2025 at 07:17 am
ಕಾಪು, ಫೆ.26: ಫೆ.12ತಾನಿ ಉದಿಯಾರ್‌ಡ್ ಎಟಿಎಂ ಕಲ್ವೆಗ್ ಪುನೆಯಿನ ಪ್ರಕರಣೊಗು ಸಂಬಂಧಿತ್‌ದ್ ಕಾಪು ಪೊಲೀಸೆರ್ ಇರ್ವೆರ್ ಜವನೆರೆನ್ ಕೈದ್ ಮಲ್ತ್‌ದೆರ್.
ಕೈದಾತಿನಕಲೆನ್ ಕುಡ್ಲದ ಮಂಜನಾಡಿದ ಅಸೈಗೋಳಿ ನಿವಾಸಿ ಅಬೂಬಕ್ಕರ್ ಸಿದ್ದೀಕ್ (24) ಬೊಕ್ಕ ಕುಡ್ಲದ ಕಣ್ಣೂರ್‌ದ ಮೊಹಮ್ಮದ್ ಯಾಸೀನ್ (21) ಪನ್ದ್ ಗುರ್ತ ಪತ್ತ್‌ದೆರ್.
ಫೆಬ್ರವರಿ 12 ತಾನಿ ನಡೀರ್ 2:40 ತ ಅಂದಾಜಿಗ್ ಈ ನಡಕೆ ನಡತಿತ್ತ್‌ದ್, ಇರ್ವೆರ್ ಶಂಕಿತೆರ್ ರಾಷ್ಟ್ರೀಕೃತ ಬ್ಯಾಂಕ್‌ದ ಎಟಿಎಂ ಪುಡಪೆರ ಪುನೆತಿನ ಸಿಸಿಟಿವಿಡ್ ಕೈದಾತ್ಂಡ್. ಆಂಡ ಅಕಲೆನ ಈ ಪುನೆಪು ವಿಫಲ ಆದಿತ್ತ್ಂಡ್. ಪೊಲೀಸೆರ್ ಅಪಗನೇ ಜಡ್ತೆ ಸುರು ಮಲ್ತಿತ್ತೆರ್.
ವಿಚಾರಣೆರ್ದ್ ಬೊಕ್ಕ ಕಾಪು ಪೊಲೀಸೆರ್ ಪ್ರಕರಣ ದಾಕಲ್ತೊಂದು ಆರೋಪಿಲೆನ್ ಪತ್ತೆರೆ ವಿಶೇಷ ಕೂಟ ಮಲ್ತಿತ್ತೆರ್. ಕಾಪು ಸರ್ಕಲ್ ಇನ್ಸ್ ಪೆಕ್ಟರ್ ಜಯಶ್ರೀ ಎಸ್ ಮಾನೆ ಮುತಾಲಿಕೆದ ಕೂಟ ಪಡ್ಡೆದ್ರ ಪಿಎಸ್‌ಐ ಅನಿಲ್ ಕುಮಾರ್ ಟಿ.ನಾಯ್ಕ್, ಕಾಪು ಪಿಎಸ್‌ಐ ರಮೇಶ್ ನಾಯ್ಕ್, ಪೊಲೀಸ್ ಸಿಬ್ಬಂದಿಲು ಮೋಹನಚಂದ್ರೆ, ಬಸವರಾಜ್, ಗುರುಪಾದಯ್ಯೆ, ಪ್ರಸಾದ್, ಪಡ್ಡೆದ್ರ ಎಎಸ್‌ಐ ರಾಜೇಶ್, ಸಂದೇಶ್, ಸಿದ್ದರಾಯೆ, ಶಿರ್ವ ಸ್ಟೇಶನ್‌ದ ಜೀವನ್ ಶಂಕಿತೆರೆನ್ ಕೈದ್ ಮನ್ಪುನೆಟ್ ಯಶಸ್ವಿ ಆತೆರ್.
ಕೈದ್ ಮನ್ಪುನ ಪೊರ್ತುಡು ಪೊಲೀಸೆರ್ ಸ್ಕೂಟರ್ (KA-19-HQ-7717), ಜಾಕೆಟ್, ಹೆಲ್ಮೆಟ್, ಕ್ಯಾಪ್, ಹ್ಯಾಂಡ್ ಗ್ಲೌಸ್, ಸುತ್ಯೆ, ಅಪರಾಧೊಗು ಗಲಸಿನ ಬ್ಯಾಗ್ ಸೇರ್ದ್ ಕೆಲ ಸೊತ್ತುಲೆನ್ ವಶೊಕು ಗೆತೊಂದೆರ್.
ಇರ್ವೆರ್ ಶಂಕಿತೆರೆನ್ ವಶೊಕು ಗೆತೊಂದಿತ್ತ್‌ದ್, ನನ ಎಚ್ಚಿನ ಜಡ್ತೆ ನಡತೊಂದುಂಡು.