Last updated on February 19th, 2025 at 02:26 pm
ಪುತ್ತೂರು: ರಡ್ಡ್ ಕಾರ್‌ಲ್ ಎದುರೆದುರು ಎಡ್ತೊಂದು, ಒಂಜಿ ಕಾರ್‌ಡಿತ್ತಿನ ಮೂವೆರೆಗ್ ಗಡಿಕುಲಾತಿನ ನಡಕೆ ಕಬಕ – ಪೋಳ್ಯ ಮುಟ್ಟದ ಪುಳಿತ್ತಡಿ ಪನ್ಪಿನಲ್ಪ ನಡತ್‌ದ್ಂಡ್.
ಬಿ.ಸಿ.ರೋಡ್ ಸಾಗರ್ ಆಡಿಟೋರಿಯಂ ಡ್ ನಡತೊಂದಿತ್ತಿನ ಮದಿಮೆಗ್ ಪೋವೊಂದಿತ್ತಿನ ಕೆಮ್ಮಾಯಿ ನಿವಾಸಿಲು ಇತ್ತಿನ ಕಾರ್ ಬೊಕ್ಕ ಕುಡ್ಲರ್ದ್ ಪುತ್ತೂರು ದಂಚಿಗ್ ಪೋವೊಂದಿತ್ತಿನ ಕಾರ್‌ದ ನಡುಟು ಈ ಎಡ್ತೆ ನಡತ್‌ದ್ಂಡ್.
ಮದಿಮೆಗ್ ಪೋವೊಂದಿತ್ತಿನ ಕಾರ್‌ದ ಎದುರು ಪೂತ ಬೊಕ್ಕೆಡ್ ಐತ ಮಲ್ತಿತ್ತ್‌ದ್, ಕಾತ್‌ಗ್ ಪೂತ ಬೊಕ್ಕೆ ಡ್ರೈವರ್‌ನ ಬರಿತ ಗ್ಲಾಸ್‌ಗ್ ಆಕ್‌ನಗ ಡ್ರೈವರ್ ಅಲ್ಕ್‌ದ್ ಅಂಕೆ ತತ್ತ್‌ದ್ ಕಾರ್ ರಾಂಗ್ ಸೈಡ್‌ಡೆ ಪೋದು ಎದುರುರ್ದ್ ಬರೊಂದಿತ್ತಿನ ಕುಡೊಂಜಿ ಕಾರ್‌ಗ್ ಎಡ್ತ್‌ದ್ಂಡ್.
ಎಡ್ತೆದ ಬರಸ್‌ಗ್ ಎದುರುರ್ದ್ ಬರೊಂದಿತ್ತಿನ ಕಾರ್‌ದ ಎದುರು ಮೆಯಿ ಅಲಕ್ಕ ಞಕ್ಕೆ ಆದಿತ್ತ್‌ದ್, ಕಾರ್‌ಡಿತ್ತಿನ ಮೂವೆರೆಗ್ ಗಡಿಕುಲಾದಿತ್ತ್‌ದ್, ಮುಟ್ಟದ ಆಸ್ಪತ್ರೆಗ್ ದಾಕಲ್ತ್‌ದೆರ್. ನಡಕೆರ್ದಾವರ ಒಂತೆ ಪೊರ್ತು ಟ್ರಾಫಿಕ್ ಜಾಮ್ ಉಂಡಾದಿತ್ತ್‌ದ್ ಪುತ್ತೂರು ಟ್ರಾಫಿಕ್ ಸ್ಟೇಶನ್ ಪೊಲೀಸೆರ್ ಬತ್ತ್‌ದ್ ಗಾಡಿಲೆನ್ ದೆಪ್ಪಾದೆರ್.