Last updated on February 6th, 2025 at 03:43 pm
ಬೊಲ್ತೇರ್: ಬೊಲ್ತೇರ್ ತಾಲೂಕ್‌ದ ಮಾಲಾಡಿ ಗ್ರಾಮ ರಾಜ್ಯೊಡೊರ್ಮೆ ಭಾರೀ ಸುದ್ದಿ ಆವೊಂದುಂಡು. ಮುಲ್ಪದ ಒಂಜಿ ಇಲ್ಲಡ್ ಕುಲೆತ ಉಪದ್ರ ಜೋರು ಉಂಡುಗೆ- ಉಂದುವೇ ಸುದ್ದಿ ಆಯೆರ ನೆವನ. ಕುಲೆತ ಉಪದ್ರಡ್ ಇಡೀ ಊರೇ ಕಂಗಾಲಾದಿತ್ತ್‌ದ್, ಇಲ್ಲಡ್ ಆವೊಂದುಪ್ಪುನ ಕುಲೆಕ್ಲೆನ ಉಪದ್ರನ್ ಕಣ್ಣಾರೆ ತೂಯೆರೆ ಬೇತೆ ಊರ್‌ದ ಜನಲಾ ಬರ್ಯೆರ ಪತ್ತ್‌ದೆರ್.
ರಾತ್ರೆ ಇಲ್ಲದ ಬಾಜನಲೆನ್ ದಕ್ಕ್‌ದ್ ರಂಬಾರೂಟಿ ಮನ್ಪುಂಡುಗೆ ಕುಲೆ. ಕುಲೆತ ಉಪದ್ರೊಗು ಮಾಲಾಡಿದ ಜನ ಬಚ್ಚಿದ್ ಪೋತೆರ್. ಇಲ್ಲದಕುಲು ಎಂಕ್ಲೆಗ್ ಮಾತ್ರ ತೊಂದರೆ ಆವೊಂದುಂಡು, ಏರೋ ಎಂಕ್ಲೆಗ್ ಮಾಟ ಮಲ್ದೆರ್ ಪನ್ದ್ ಆರೋಪ ಮಲ್ದೆರ್.
ಮಾಲಾಡಿದ ಉಮೇಶ್ ಶೆಟ್ಟಿ ಮೆರೆನ ಇಲ್ಲದಕುಲು ಕುಲೆತ ಉಪದ್ರ ಅನುಭವಿತೊಂದುಲ್ಲೆರ್. ಇರ್ವೆರ್ ಪೊಣ್ಣು ಜೋಕುಲು ಬೊಕ್ಕ ಬೊಡೆದಿನೊಟ್ಟುಗು ಇಪ್ಪುನ ಉಮೇಶೆರೆನ ಇಲ್ಲಡ್ ಮೂಜಿ ತಿಂಗೊಲುರ್ದಿಂಚಿ ಕುಲೆತ ಉಪದ್ರ ಉಂಡು. ರಾತ್ರೆ ಇಲ್ಲಡ್ ಜೆಪ್ಪೆರೆ ಆವೊಂದಿಜ್ಜಿ. ಕುಂಟುಲೆನ್ ಪೊತ್ತದ್, ಬಾಜನೊಲೆನ್ ದಕ್ಕುಂಡು. ಇಲ್ಲದ ಸುತ್ತ ಏರೋ ಬಲ್ತಿಲೆಕ ಆಪುಂಡು. ಇಲ್ಲಡ್ ಜೆತ್ತ್ಂಡ ಕಂಟೆಲ್ ಪೊಜೆಂಕಿಲೆಕ ಆಪುಂಡು. ಎಂಕುಲು ಕುಲೆನ್ ತೂತ, ಉದ್ದ ಕುಜಲ್ ಉಂಡು. ಏರೋ ಎಂಕ್ಲೆಗ್ ಮಾಟ ಮಲ್ತ್‌ದೆರ್ ಪನ್ದ್ ಉಮೇಶ್ ಶೆಟ್ಟಿ ಆರೋಪ ಮಲ್ದೆರ್.
ಈ ವಿಚಾರೊಡು ಇಡೀ ಊರ್‌ಗೇ ಮಂಡೆಬೆಚ್ಚ ಸುರು ಆತ್ಂಡ್. ಆತೇ ಅತ್ತಂದೆ ಉಮೇಶ್ ಶೆಟ್ರೆನ ಇಲ್ಲಗ್ ನಿಚ್ಚೊಲಾ ಪಾಕ ಜನ ಬರೊಂದುಲ್ಲೆರ್. ನಡೀರ್ ಮುಟ್ಟ ಉಮೇಶ್ ಶೆಟ್ರೆನ ಇಲ್ಲದಲ್ಪ ಜನ ಸೇರೊಂದುಲ್ಲೆರ್. ನಿಜವಾದ್ ಇಲ್ಲಡ್ ದಾದ ಆವೊಂದುಂಡು ಪನ್ದ್ ಸತ್ಯಶೋಧನೆಗ್ ಜತ್ತ್‌ದೆರ್. ಏಪೊಲಾ ಜನ ಬರೊಂದಿಪ್ಪುನೆರ್ದಾವರ ನೆರೆಕರೆತಕ್ಲೆಗ್ಲಾ ಕರಕರಿ ಆವೊಂದುಂಡು.
ಇಲ್ಲಡ್ ಕುಲೆ ತೋಜಿದ್ಂಡ್ ಪನ್ಪಿನ ದೃಶ್ಯ ಒಂಜಿ ಮೊಬೈಲ್‌ಡ್ ಕೈದಾತ್ಂಡ್. ಅವೆಟ್ ಪೊಂಜೊವುನ ಲೆಕ, ತೂನಗನೇ ಪೋಡಿಗೆ ಆಪುನಂಚಿನ ಫೋಟೋ ಉಂಡು. ಈ ಫೋಟೋ ಏತ್ ಸತ್ಯ ಏತ್ ಕಲು ಪನ್ಪಿನ ಬಗೆಟ್ ಒಲವು ಇಜ್ಜಿ. ನನ ಸೂ ಪತೊಂದಿನೆಕ್ ಸಂಬಂಧಿತ್‌ದ್, ವಿಡಿಯೋ ಒಂಜೆನ್ ಮೊಬೈಲ್‌ಡ್ ರೆಕಾರ್ಡ್ ಮಲ್ದೆರ್. ಆಂಡ ಅವು ಮಾತ ಎಂಚ ಆತ್ಂಡ್ ಪನ್ಪಿನೆತ ಬಗೆಟ್ ಪತ್ತ ಒಲವು ಇಜ್ಜಂದಿನೆರ್ದಾವರ ಪಾಕ ಜನತ ಅನುಮಾನೊಗ್ಲಾ ನೆವನ ಆತ್ಂಡ್.