Last updated on March 7th, 2025 at 03:34 pm
ಕಾರ್ಲ: ಬೈಕ್ ಬೊಕ್ಕ ಕಾರ್ ಎಡ್ತೊಂದು ಗಾತಿದ ಗಡಿಕುಲಾದ್ ಆಸ್ಪತ್ರೆಡ್ ಇತ್ತಿನ ಇರ್ವೆರೆಡ್ ಒರಿ ತೀರ್ದಿನ ನಡಕೆ ಇನಿ ಕಾಂಡೆ ನಡತ್‌ದ್ಂಡ್.
ಮಾರ್ಚ್ 4, ಅಂಗಾರೆದಾನಿ ರಾತ್ರೆ ಬೊಲ್ಮಣ್‌ರ್ದ್ ಕಾರ್ಲದಂಚಿಗ್ ನಿಟ್ಟೆ ಕಾಲೇಜಿದ ವಿದ್ಯಾರ್ಥಿಲಾಯಿನ ಕುಡ್ಲದ ವೈಶಾಖ್ ಬೊಕ್ಕ ಕಾಸ್ರೋಡ್‌ದ ಪೃಥ್ವಿ ಬೈಕ್‌ಡ್ ಪೋವೊಂದಿತ್ತೆರ್. ಈ ಪೊರ್ತುಡು ಕೆದಿಂಜೆ ಪನ್ಪಿನಲ್ಪ ಒಂಜಿ ಕಾರ್ ಯೂಟರ್ನ್ ಗೆತೊನೊಂದುಪ್ಪುನಗ ಬೈಕ್ ಪೋದು ಎಡ್ತ್‌ದ್ಂಡ್. ಎಡ್ತೆದ ಬರಸ್‌ಗ್ ಬೈಕ್‌ಡಿತ್ತಿನ ಇರ್ವೆರ್ ಪಾಕ ದೂರಗ್ ರಟ್ಟ್‌ದೆರ್. ಅಪಗನೇ ಅಕ್ಲೆನ್ ಕಾರ್ಲದ ಆಸ್ಪತ್ರೆಗ್ ದಾಕಲ್ತ್‌ದ್, ಅಲ್ಪರ್ದ್ ಎಚ್ಚಿನ ಮರ್ದ್‌ಗ್ ಮಣಿಪಾಲಗ್ ಲೆತೊಂದು ಪೋತೆರ್. ಆಂಡ ಅಲ್ಪ ಮರ್ದ್ ಪಲಿಪಂದೆ ವೈಶಾಖ್ ತೀರ್ದೆರ್.
ಬೈಕ್‌ಡ್ ಇತ್ತಿನ ಪೃಥ್ವಿ ಸೀರಿಯಸ್ ಉಲ್ಲೆರ್ ಪನ್ದ್ ತೆರಿದ್ ಬೈದ್ಂಡ್.