Last updated on March 14th, 2025 at 09:50 am
ದೆಲ್ಲಿ, ಮಾ.14: ಶುಗರ್ ಇತ್ತಿನಕ್ಲು ಗಲಸುನ ಎಂಪಾಗ್ಲಿಫ್ಲೋಜಿನ್‌ ಅಂಶೊದ ಮಾತ್ರೆದ ಬಿಲೆ 90% ದಾತ್ ಕಮ್ಮಿ ಮನ್ಪುನ ಮುಕೇನ ಶುಗರ್ ಇತ್ತಿನಕ್ಲೆಗ್ ಚೀಪೆ ಸುದ್ದಿ ತಿಕ್ಕ್‌ದ್ಂಡ್.
ಪೇಟೆಂಟ್‌ ಪೊರ್ತು ಮುಗಿನೆರ್ದಾವರ ಪಾಕ ದೇಶೀಯ ಮರ್ದ್ ಉಂಡು ಮನ್ಪುನ ಕಂಪೆನಿಲು ಜೆನೆರಿಕ್ ಮರ್ದ್ ಬುಡುಗಡೆ ಮನ್ಪುವ ಪನ್ದ್ ಘೋಷಣೆ ಮಲ್ತ್‌ದ. ಶುಗರ್‌ದ ಮರ್ದ್ ಎಂಪಾಗ್ಲಿಫ್ಲೋಜಿನ್‌ದ ಬಿಲೆ 90% ದಾತ್ ಕಮ್ಮಿ ಆತ್ಂಡ್. ಮ್ಯಾನ್‌ಕೈಂಡ್ ಫಾರ್ಮಾ, ಅಲ್ಕೆಮ್ ಲ್ಯಾಬೊರೇಟರೀಸ್, ಗ್ಲೆನ್‌ಮಾರ್ಕ್, ಕೊರೊನಾ ರೆಮಿಡೀಸ್ ಕೆಲ ಕಂಪನಿ ಬುಡುಗಡೆ ಮಲ್ತಿತ್ತ್‌ದ್, ಎಚ್ಚಿನ ಭಾರತೀಯ ರೋಗಿಲೆಗ್ ಈ ಮರ್ದ್ ಕೈಕ್ ತಿಕ್ಕುಲೆಕ ಮಲ್ದ್ಂಡ್.
ಮಾರ್ಕೆಟ್ ಶೇರ್ ದಿಟ್ಟಿಡ್ ಭಾರತೊದ ನಾಲನೇ ಮಲ್ಲ ಕಂಪೆನಿಯಾಯಿನ ಮ್ಯಾನ್‌ಕೈಂಡ್ ಫಾರ್ಮಾ, 10 ಮಿಗ್ರಾಂ ಟ್ಯಾಬ್ಲೆಟ್‌ನ್ 5.49 ರೂ. ಬೊಕ್ಕ 25 ಮಿಗ್ರಾಂ ಟ್ಯಾಬ್ಲೆಟ್‌ನ್ 9.9 ರೂ.ಗೆ ಮಾರುನು ಪನ್ದ್ ತೆರಿಪಾದ್ಂಡ್. ಉಂದು 90% ರ್ದ್‌ಲಾ ಎಚ್ಚ ಅಗ್ಗ ಆತ್ಂಡ್.
ಎಂಪಾಗ್ಲಿಫ್ಲೋಜಿನ್‌ದ ಬಿಲೆ ಉಂದೆಕ್ ದುಂಬು 10 ಮಿಗ್ರಾಂ ಡೋಸೇಜ್‌ದ ಟ್ಯಾಬ್ಲೆಟ್‌ಗ್ 58.7 ರೂ. ಬೊಕ್ಕ 25 ಮಿಗ್ರಾಂಗ್ 71.1 ರೂ. ಇತ್ತ್ಂಡ್.