ಕಲ್ವ ದಾಖಲೆ ಉಂಡು ಮಲ್ತಿನೆಕ್ ಕುಂದಾಪುರ ಉಪ ವಿಭಾಗಾಧಿಕಾರಿ ಕೆ. ಮಹೇಶ್‌ಚಂದ್ರೆ ಸಸ್ಪೆಂಡ್

Last updated on March 31st, 2025 at 08:05 am

ಒಡಿಪು, ಮಾ. 31: ಸರಕಾರೊದ ನಿಯಮ ಪೊಲ್ತ್‌ದ್ ಕಲ್ವ ದಾಖಲೆ ಉಂಡು ಮಲ್ತಿನ ಆರೋಪಡ್ ಕುಂದಾಪುರ ಉಪವಿಭಾಗೊದ ಉಪ ವಿಭಾಗಾಧಿಕಾರಿ ಕೆ. ಮಹೇಶ್ ಚಂದ್ರೆ ಮೆರೆನ್ ಇತ್ತೆರ್ದ್ ಇತ್ತೆಗ್ ಜಾರಿ ಆಪುಲೆಕ ಸರ್ಕಾರಿ ಸೇವೆರ್ದ್ ಸಸ್ಪೆಂಡ್ ಮಲ್ತ್‌ದ್ ಜಿಲ್ಲಾಧಿಕಾರಿ ಕೆ. ವಿದ್ಯಾಕುಮಾರಿ ಆದೇಶ ಕೊರ್ತೆರ್.

ಉಪ ವಿಭಾಗಾಧಿಕಾರಿ ಪೋಸ್ಟ್‌ದ ಪ್ರಭಾರೊನ್ ಬ್ರಹ್ಮಾವರ ತಹಶೀಲ್ದಾರ್ ಶ್ರೀಕಾಂತ್ ಎಸ್. ಹೆಗ್ಡೆ ಮೆರೆಗ್ ಕೊರ್ತುಂಡು ಪನ್ದ್ ಆದೇಶೊಡು ತೆರಿಪಾದೆರ್. ಮಹೇಶ್ ಚಂದ್ರೆ ಒಡಿಪು ನಗರಾಭಿವೃದ್ಧಿ ಪ್ರಾಧಿಕಾರೊದ ಆಯುಕ್ತೆರಾದುಪ್ಪುನಗ ಬಡನಿಡಿಯೂರು ಗ್ರಾಮೊಡು ವಾಣಿಜ್ಯ ಉದ್ದೇಶೊಡು ರೆಸಾರ್ಟ್ ಕಟ್ಟಾವುನ ವಿಚಾರೊಡು ಉದ್ಯಾನ ಬೊಕ್ಕ ಬೈಲ್ ಜಾಗೆ ವಲಯೊರ್ದು ವಾಣಿಜ್ಯ ವಲಯೊಗು ಜಾಗೆ ಗಲಕೆದ ಪಗತೆದ ಫೈಲ್‌ಡ್ ಸರ್ವೆ ನಕ್ಷೆ ಸೇರ್ದ್ ಬೇತೆ ದಾಖಲೆಲೆನ್ ಫೋರ್ಜರಿ ಮಲ್ದಿನ ಅಧಿಕಾರಿಲೆನ ಮಿತ್ತ್ ಶಿಸ್ತು ಕ್ರಮ ಗೆತೊನರೆ ಒಡಿಪು ಶಾಸಕೆರ್ ಬಿನ್ನಪು ಮಲ್ತಿತ್ತೆರ್.