Last updated on March 12th, 2025 at 10:37 am
ಬೆದ್ರ, ಮಾ. 12: ಬಯ್ಯಡ್ ಟ್ಯೂಷನ್ ಮುಗಿತ್‌ದ್ ಸೈಕಲ್‌ಡ್ ಇಲ್ಲಗ್ ಪೋವೊಂದಿತ್ತಿನ ಪೊಣ್ಣನ್ ಬೈಕ್‌ಡ್ ಬೆರಿಪತ್ತ್‌ದ್ ಏರ್ಲಾ ಇಜ್ಜಂದಿನ ಜಾಗೆಡ್ ಮಾನಭಂಗ ಮನ್ಪೆರ ತೂಯಿನ ಆರೋಪಿನ್ ಪೊಲೀಸೆರ್ ಅರೆಸ್ಟ್ ಮಲ್ತ್‌ದೆರ್.
ಮಾರ್ಪಾಡಿ ಗ್ರಾಮೊದ ಅಲಂಗಾರ್ ಉಳಿಯಾ ನಿವಾಸಿ ಪವನ್ ಕುಮಾರ್ ಕೈದಾತಿನ ಆರೋಪಿ. ಮಾರ್ಚ್ 8 ದಾನಿ ಬಯ್ಯಡ್ ಟ್ಯೂಷನ್ ಮುಗಿತ್‌ದ್ ಸೈಕಲ್‌ಡ್ ಇಲ್ಲಗ್ ಪಿರಪೋವೊಂದಿತ್ತಿನ ಪೊಣ್ಣನ ಬೆರಿಯೆ ಆರೋಪಿ ಟೂವೀಲರ್ ಗಾಡಿಡ್ ಪೋತೆ. ಏರ್ಲಾ ಇಜ್ಜಂದಿನ ಜಾಗೆಡ್ ಆಲೆನ್ ಅಡ್ಡಕಟ್ಟ್‌ದ್ ಮಾನಭಂಗ ಮನ್ಪೆರೆ ತೂತೆ. ಪೊಣ್ಣು ಆಯರ್ದ್ ತಪ್ಪಾವೊಂದು ಸೈಕಲ್‌ ಅಲ್ಪನೇ ಬುಡ್ದು, ಇಲ್ಲಗ್ ಬಲ್ತೊಂದು ಪೋದು ಇಲ್ಲದಕ್ಲೆಗ್ ವಿಷಯ ತೆರಿಪಾದಲ್. ನಡಕೆರ್ದ್ ಬೊಕ್ಕ ಆರೋಪಿಯು ಅಲ್ತ್‌ರ್ದ್ ಪದ್ರಾಡಾತೆ. ಈ ಬಗೆಟ್ ಪೊಣ್ಣನ ಇಲ್ಲದಕುಲು ಒಯಿಲ್ ಬರೆಪಾದೆರ್ ಪನ್ದ್ ಪೊಲೀಸೆರ್ ತೆರಿಪಾದೆರ್.