Last updated on March 4th, 2025 at 06:14 pm
ಬಂಟ್ವಾಳ: ಬೆಂಗಳೂರು ಮೂಲೊದ ಆಂಜೊವು ಒರಿ ಪಾಣೇರ್ ಸಂಕೊರ್ದು ನೇತ್ರಾವತಿ ಸುದೆಕ್ ಲಾಗಿದಿತ್ತ್‌ದ್, ಆರೆನ್ ಬದ್‌ಕಾಯಿನ ನಡಕೆ ಇನಿ ಮಾ. 4ತ ಅಂಗಾರೆ ಕಾಂಡೆ ನಡತ್‌ದ್ಂಡ್.
ಬೆಂಗಳೂರ್‌ದ ಕತ್ರಿಗುಪ್ಪೆ ಮೈನ್ ರೋಡ್ ನಿವಾಸಿ ವೆಂಕಟಯ್ಯೆ ಪನ್ಪಿನಾರೆನ ಮಗೆ ಶಂಕರಯ್ಯೆ (50) ನೇತ್ರಾವತಿ ಸುದೆಕ್ ಲಾಗಿದ್ ಆತ್ಮಹತ್ಯೆ ಮಲ್ತೊನರೆ ತೂಯಿನ ಆಂಜೊವು. ಶಂಕರಯ್ಯೆ ಜೂವ ಗೆತ್ತೊನರೆ ಬೋಡಾದೇ ಬೆಂಗಳೂರ್‌ರ್ದ್ ಬಂಟ್ವಾಳಗ್ ಬತ್ತಿತ್ತ್‌ದ್, ಸಯ್ಯೆರ ಪುನೆದೆರ್ ಪನ್ದ್ ತೆರಿದ್ ಬೈದ್ಂಡ್.
ಒಲವು ತಿಕ್ಕಿಪೆಟ್ಟಿಗೆ ಕಾರ್ಯಾಚರಣೆ ಮಲ್ತಿನ ಸಿದ್ದೀಕ್ ಎಂ.ಕೆ.ರೋಡ್, ಶಂಕರಯ್ಯನ್ ಸುರಕ್ಷಿತವಾದ್ ಕರೆಕ್ ಕನತ್‌ದೆರ್. ಪಾಸೊದ ಪೊರ್ತುಡು ಮಲ್ತಿನ ರಕ್ಷಣಾ ಕಾರ್ಯೊನು ಸಾರ್ವಜನಿಕೆರ್ ಪುಗರ್ಯೆರ್.
ಆತ್ಮಹತ್ಯೆ ಮಲ್ತೊನರ ವೈಯಕ್ತಿಕ ಸಮಸ್ಯೆಲೇ ನೆವನ ಪನ್ದ್ ತೆರಿದ್ ಬೈದ್ಂಡ್. ಅವೆರ್ದ್ ಬೊಕ್ಕ ಆ ಜನನ್ ಪೋಲೀಸೆರೆಗ್ ಒಪ್ಯಾದೆರ್.
ಬಂಟ್ವಾಳ ನಗರ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.