Last updated on April 12th, 2025 at 03:16 pm
ಒಡಿಪು, ಏ.12: ಕಟ್ಪಾಡಿ ಶ್ರೀ ವಿಶ್ವನಾಥ ಕ್ಷೇತ್ರೊಡು ಎಲ್ಲೆ ಎಪ್ರಿಲ್ 13 ತಾನಿ ತುಳುವ ಜವನೆರ್ ಒಟ್ಟು ಕೂಡೊಂದು ನಡಪಾವೊಂದುಪ್ಪುನ ತುಳುನಾಡ್ ಕಾನ್‌ಕ್ಲೇವ್ 2025ಡ್ ಮೂಜಿ ತುಳು ಮಸ್ತಿರೆಲು ಬುಡುಗಡೆ ಆವೊಂದುಲ್ಲ.
1. ಪತ್ತ್
ಪುಗರ್ತೆದ ತುಳು ಸಾಹಿತಿ ಕುಶಾಲಾಕ್ಷಿ ವಿ ಕಣ್ವತೀರ್ಥ ಮೆರೆನ ಪತ್ತನೇ ಮಸ್ತಿರೆ, ತುಳು ಕಬಿತೆಲೆ ಸಂಚಿ ‘ಪತ್ತ್’ ಉಂದೆನ್, ಪೆರಿಯ ಸಾಹಿತಿ, ಆಕಾಶವಾಣಿ ಉದ್ಘೋಷಕೆರ್ ಮುದ್ದು ಮೂಡುಬೆಳ್ಳೆ ಬುಡುಗಡೆ ಮನ್ಪರೆಗುಲ್ಲೆರ್.
2. ಒಂಜಿ ಕನ
ಕು. ಹರ್ಷಾ ಬೇಲಾಡಿ ಬರೆತಿನ ಕಬಿತೆಲೆನ ಗೊಂಚಿಲ್ ಒಂಜಿ ಕನ, ಉಂದೆನ್ ಲೇಸ್‌ದ ಬಿನ್ನೆರ್ ಬುಡುಗಡೆ ಮಲ್ಪರೆಗುಲ್ಲೆರ್.
3. ಜೀಟಿಗೆ
ತುಳು ಮಸ್ತಿರೆಲೆನ ಪರತಿರಿಟ್ ದಾಖಲೆದ 1000 ಪ್ರತಿ ಸೇಲ್ ಆದ್, ರಡ್ಡನೇ ಆವೃತ್ತಿಡ್ ನನಲಾತ್ ಎಚ್ಚಿನ ಒಲವುಲು ದಿಂಜಾವೊಂದು ಜೀಟಿಗೆ – ತುಳು ಬರವುದ ಸಿರಿತುಪ್ಪೆ ಬುಡುಗಡೆಗ್ ಅಣಿಯಾತ್ಂಡ್.