Last updated on April 15th, 2025 at 07:12 am
ಬೆಂಗಳೂರು, ಏ. 14: ಬೆಂಗಳೂರುಡು ಸಾದಿಯೆ ನಡತೊಂದು ಪೋವೊಂದಿತ್ತಿನ ಜವನ್ದಿಗ್ ಕಿರುಕುಳ ಕೊರ್ದಿತ್ತಿನ ಆರೋಪಿನ್ ಕಡೆಕ್ಲಾ ಪೋಲೀಸೆರ್ ಪತ್ತ್‌ದೆರ್. ಕೈದಾತಿನಾಯನ್ ಸಂತೋಷ್ ಡೇನಿಯಲ್ ಪನ್ದ್ ಗುರ್ತ ಪತ್ತ್‌ದೆರ್. ಉಂಬ್ಯನ್ ಕೇರಳದ ಕೋಳಿಕ್ಕೋಡ್ ಕೈತಲ್‌ಡ್ ಪತ್ತ್‌ದೆರ್.
ಏಪ್ರಿಲ್ 3ತಾನಿ ಕುಡೊರ್ತಿ ಪೊಣ್ಣನೊಟ್ಟುಗು ಜವನ್ದಿ ನಡತೊಂದು ಪೋವೊಂದಿತ್ತಿನ ಪೊರ್ತುಡು, ಪಿರವುಡೆ ಬತ್ತ್‌ದ್ ತರ್ಕ್‌ದ್ ಪತೊಂದು ಕಿರುಕುಳ ಕೊರ್ದು ಪದ್ರಾಡಾದಿತ್ತೆ. ಸಂತ್ರಸ್ತೆದಿಗ್ಲಾ ಆರೋಪಿಗ್ಲಾ ಗುರ್ತನೇ ಇಜ್ಜಂಡ್. ನಡಕೆ ಆಯಿ ಬೊಕ್ಕ ಬೆಂಗಳೂರು ಪೇಂಟೆ ಬುಡ್ದಿತ್ತಿನ ಆರೋಪಿ ದೆಂಗ್‌ತಪ್ಪಾದಿತ್ತೆ. ಈ ಬಗೆಟ್ ಅಲ್ಫದ ಲೋಕೇಶ್ ಗೌಡ ಪನ್ಪಿನಾರ್ ಒಯಿಲ್ ಬರೆಪಾದಿತ್ತೆರ್.
ದೆಂಗ್‌ತಪ್ಪಾದಿತ್ತಿನ ಆರೋಪಿನ್ ಪತ್ತೆರೆ ಪೊಲೀಸೆರೆಗ್ ಬಾರೀ ಬಂಙ ಆದಿತ್ತ್ಂಡ್. ಆರೋಪಿನ್ ಪತ್ತೆರೆ ಸುಮಾರ್ 1,800ರ್ದ್‌ಲಾ ಎಚ್ಚ ಸಿಸಿಟಿವಿ ದೃಶ್ಯೊಲೆನ್ ಪೊಲೀಸೆರ್ ಪರಿಶೀಲನೆ ಮಲ್ದೆರ್. ಆರೋಪಿನ್ ಪತ್ತೆರೆ ಡಿಸಿಪಿ ಸಾರಾ ಫಾತೀಮಾ 2 ಕೂಟ ಉಂಡು ಮಲ್ತಿತ್ತೆರ್.