Last updated on April 29th, 2025 at 10:25 am
ಕಾರ್ಕಳ, ಏ.29: ಕಾರ್ಲದ ಉದ್ಯಮಿ ದಿಲೀಪ್ ಎನ್.ಆರ್. ಮೇರ್ ನಿಟ್ಟೆ ದೂಪದಕಟ್ಟೆ ರಾಜ್ಯ ಪೆರ್ಸಾದಿದ ಬರಿಟ್ ಶೂಟ್ ಮಲ್ತೊಂದು ಆತ್ಮಹತ್ಯೆ ಮಲ್ತೊಂದೆರ್.
ದಿಲೀಪ್ ಕಾರ್ಲ ತೆಳ್ಳಾರ್ ಸಾದಿ ನಿವಾಸಿ ಆದಿತ್ತ್‌ದ್, ಕಿಡ್ನಿ ಸೀಕ್‌ರ್ದ್ ನರಲೊಂದಿತ್ತೆರ್‌ಗೆ. ಕುಡ್ಲ, ಮುಂಬೈ ಬೊಕ್ಕ ಹೈದರಾಬಾದ್‌ಡ್ ಹೋಟೆಲ್ ಉದ್ಯಮ ಮಲ್ತೊಂದಿತ್ತೆರ್. ಮೇರೆಗ್ ಉದ್ಯಮೊಡು ನಷ್ಟಲಾ ಆದಿತ್ತ್‌ದ್, ಸೀಕ್ ಎಚ್ಚ ಆವೊಂದಿತ್ತಿನೆರ್ದಾವರ ಮಾನಸಿಕವಾದ್ ಬಾರೀ ಕುಸ್ಕುದಿತ್ತೆರ್‌ಗೆ.
ಸೋಮಾರ ರಾತ್ರೆ ತನ್ನ ಪಾಸಾಡಿಲೆಗ್ ಅಂಚೆನೇ ಮುಟ್ಟದಕ್ಲೆಗ್ ವಾಟ್ಸಪ್‌ಡ್ ಯಾನ್ ನಿಕ್ಲೆನ್ ಬುಡ್ದ್ ದೂರ ಪೋವೊಂದುಲ್ಲೆ ಪನ್ದ್ ಮೇಸೇಜ್ ಕಡಪುಡ್ದಿತ್ತೆರ್. ಕಾರ್ಲ ಮೂಲೊದ ಮುಂಬೈದ ಉದ್ಯಮಿ ಒರಿ ಮೇಸೆಜ್ ತೂದು ದಿಲೀಪ್‌ರೆನ ಪಲಯಗ್ ವಿಷಯ ತೆರಿಪಾದೆರ್. ದಿಲೀಪ್‌ರೆನ್ ಸಂಪರ್ಕ ಮಲ್ಪೆರ ಪುನೆನಗ ಒವ್ವೇ ಒಲವು ತಿಕ್ಕಂದೆ, ಪೋಲಿಸೆರೆ ಸಕಾಯೊಡು ನಾಡ್ಯೆರೆ ಸುರು ಮಲ್ತ್‌ದ್ ಮೊಬೈಲ್ ನಂಬರ್ ಲೊಕೇಶನ್ ಆಧಾರೊಡು ನಾಡ್ನಗ ದೂಪದಕಟ್ಟೆಡ್ ಕಾರ್ ತಿಕ್ಕ್‌ದ್ಂಡ್. ಕಾರ್ ಪರಿಶೀಲನೆ ಮಲ್ಪುನಗ ದಿಲೀಪ್ ವಿಷ ತಿಂದ್‌ದ್, ತನ್ನ ಸರ್ವಿಸ್ ರಿವಾಲ್ವರ್‌ಡ್ ತಾನೇ ಶೂಟ್ ಮಲ್ತೊಂದು ಆತ್ಮಹತ್ಯೆ ಮಲ್ತೊಂದಿನ ಬೊಲ್ಪುಗು ಬೈದ್ಂಡ್.
ನಡಕೆದ ಬಗೆಟ್ ಎಚ್ಚಿನ ಜಡ್ತೆ ನಡತೊಂದುಂಡು.