Last updated on April 7th, 2025 at 03:34 pm
ಮುಲ್ಕಿ, ಏ.07: ಕುಡ್ಲರ್ದ್ ಮಲ್ಕಿ ಕಾರ್ನಾಡ್ ದಂಚಿ ಬರೊಂದಿತ್ತಿನ ಒಂಜಿ ರಿಕ್ಷಾಗ್ ಕಾರ್ ಪಿರವುರ್ದ್ ಎಡ್ತ್‌ದ್ ರಿಕ್ಷಾಡ್ ಇತ್ತಿನ ಮೂವೆರ್ ಅಂಚೆನೇ ಡ್ರೈವರ್ ಸೇರ್ದ್ ನಾಲ್ವೆರೆಗ್ ಗಡಿಕುಲಾತಿನ ನಡಕೆ ಮುಲ್ಕಿದ ಕೊಲ್ನಾಡ್ ಪೆರ್ಸಾದಿಡ್ ನಡತ್‌ದ್ಂಡ್.
ರಿಕ್ಷಾ ಡ್ರೈವರ್ ಅಬ್ದುಲ್ ಬಶೀರ್ (35), ಪ್ರಯಾಣಿಕೆರ್ ಮರಕಡದ ಶೋಭಾ (55), ಕುಂಜತ್ತಬೈಲ್‌ದ ಭವಾನಿ (65) ಬೊಕ್ಕ ಪಣಂಬೂರ್‌ದ ವಸಂತಿ (72) ಮೊಕುಲು ಗಡಿಕುಲಾತಿನಕುಲು.
ಕಾರ್ ಅಂಕೆ ತತ್ತ್‌ದ್ ಮೆಲಾನೆ ಮುಲ್ಕಿ ದಂಚಿ ಪೋವೊಂದಿತ್ತಿನ ರಿಕ್ಷಾಗ್ ಎಡ್ತ್‌ದ್ಂಡ್. ರಿಕ್ಷಾ ಡ್ರೈವರ್ ಒಂತೆ ದೂರೊಗು ದಕ್ಕಿಲೆಕ ಆದ್ ಗಾತಿದ ಪೆಟ್ಟಾತ್ಂಡ್. ರಿಕ್ಷಾಡ್ ಇತ್ತಿನ ಮೂವೆರೆಗ್ ಕಿಞ್ಞ ಕಿಞ್ಞ ಗಡಿಕುಲಾತ.
ನಡಕೆಡ್ ರಡ್ಡ್ ಗಾಡಿಲುಲಾ ಞಕ್ಕೆ ಆತ. ಬಡಕಾಯಿ ಕುಡ್ಲ ಟ್ರಾಫಿಕ್ ಪೊಲೀಸೆರ್ ಜಾಗೆಗ್ ಬತ್ತ್‌ದ್ ಕೇಸ್ ದಾಕಲ್ತೊಂದೆರ್.