Last updated on April 1st, 2025 at 09:42 am
ಸುಳ್ಯ, ಏ.01 : ಒಂಜಿ ಕಾರ್ ಅಂಕೆ ತತ್ತ್‌ದ್ ಇಲ್ಲದ ಮಾಡ್‌ಗ್ ಬೂರ್ದ್ ಮಾಡ್ ಪೊಲಿದ್, ಕಾರ್ ಞಕ್ಕೆ ಆತಿನ ನಡಕೆ ಮಾ. 30ದ ಕಾಂಡೆ ನಡತ್‌ದ್ಂಡ್.
ಸಹಕಾರಿ ಕ್ಷೇತ್ರೊಡು ಪುದರ್ ಮಲ್ದಿನ ನಿತ್ಯಾನಂದ ಮುಂಡೋಡಿ ಮೆರೆನ ಕಾರ್‌ನ್ ಆರೆನ ಮರ್ಮಲ್ ಬುಡೊಂದು ಗುತ್ತಿಗಾರ್ ದಂಚಿ ಪೋವೊಂದಿತ್ತೆರ್. ಚಿರೆಕಲ್‌ದ ಇಲ್ಲರ್ದ್ ಮೈನ್‌ರೋಡ್‌ಗ್ ಬತ್ತ್‌ದ್ ಒಂತೆ ದುಂಬು ಪೋದು ಬ್ರೇಕ್ ಪಾಡೆರ ತೂತೆರ್. ಈ ಪೊರ್ತುಡು ಬ್ರೇಕ್ ಪೆಡಲ್‌ದ ಅಡಿಟ್ ನೀರ್‌ದ ಬಾಟ್ಲಿ ತಿಕೊಂದು ಬ್ರೇಕ್ ಪಾಡ್ರೆ ಆವಂದೆ ಕಾರ್ ಅಂಕೆ ತತ್ತ್‌ದ್ ಸಾದಿದ ತಿರ್ತ ಮೆಯಿಟ್ ಸೀತಮ್ಮ ಚಿರೆಕಲ್ಲ್ ಪನ್ಪಿನಾರೆನ ಇಲ್ಲ್‌ದ ಮಾಡ್‌ಗ್ ಬೂರ್ದ್ಂಡ್.
ನಡಕೆಡ್ ಇಲ್ಲ್‌ದ ಮಾಡ್ ಪೊಲಿದಿತ್ತ್‌ದ್, ಕಾರ್ ಞಕ್ಕೆ ಆತ್ಂಡ್. ದೇಬೆರೆ ದಯೆಟ್ ಕಾರ್ ಬುಡೊಂದಿತ್ತಿನಾರೆಗ್, ಇಲ್ಲಡ್ ಇತ್ತಿನಕ್ಲೆಗ್ ದಾಲ ಆತಿಜಿ. ಬೊಕ್ಕ ಕ್ರೇನ್‌ಡ್ ಕಾರ್‌ನ್ ಇಲ್ಲದ ಮಾಡ್‌ರ್ದ್ ದೆತ್ತೆರ್.