Last updated on April 24th, 2025 at 11:32 am
ಉಬಾರ್, ಏ.24: ರಡ್ಡ್ ಇಲ್ಲಲೆಗ್ ಪೊಗ್ಗಿನ ಕಲ್ವೆ ಲಕ್ಷಗಟ್ಲೆ ರೂ. ಮೌಲ್ಯೊದ ಬಂಗಾರ್-ಕಾಸ್‌ನ ಕಂಡ್‌ದಿನ ನಡಕೆ ಬೊಲ್ತೆರ್ ತಾಲೂಕ್‌ದ ತೆಕ್ಕಾರ್ ಗ್ರಾಮೊಡು ಏ. 22 ತ ರಾತ್ರೆ ನಡತ್‌ದ್ಂಡ್.
ತೆಕ್ಕಾರ್ ಗ್ರಾಮೊದ ಗುತ್ತುದಿಲ್ಲ್ ಮುಸ್ತಾಫ ಮೆರೆನ ಇಲ್ಲಡ್ ಬೊಡೆದಿ ಬೊಕ್ಕ ಮೈತಿದಿ ಇಲ್ಲದುಲಯಿ ಜೆತ್ತಿತ್ತೆರ್. ಈ ಪೊರ್ತುಡು ಇಲ್ಲದುಲಯಿ ಪೊಗ್ಗಿನ ಕಲ್ವೆ ಒಟ್ಟು 12 ಗ್ರಾಂ ತೂಕೊದ 3 ಉಂಗಿಲ ಅಂಚೆನೇ 6 ಗ್ರಾಂ ತೂಕೊದ 4 ಉಂಗಿಲ ಬೊಕ್ಕ 3 ಸಾರ ಕಾಸ್ ಲಕ್ಕಾದೆ.
ಉಂದುವೇ ಗ್ರಾಮೊದ ಕೋಡಿದಿಲ್ಲ್ ನಿವಾಸಿ ಅನ್ವರ್ ಮೆರೆನ ಇಲ್ಲಗ್ಲಾ ಪೊಗ್ಗುದಿನ ಕಲ್ವೆ, ಇಲ್ಲದಕುಲು ಜೆತ್ತುಪ್ಪುನಗನೇ ಇಲ್ಲದ ಕಪಾಟ್ ಅಡಿಮೇಲ್ ಮಲ್ತ್‌ದ್, ಐಟಿತ್ತಿನ ಕಾಸ್‌ನ್ ಲಕ್ಕಾದ್ ದಿಂಜಾವೊನುನ ಬರಸ್‌ಡ್ ಅಲ್ಪನೇ ತಿರ್ತ್ ಪಾಡ್ದೆ. ಆ ಪೊರ್ತುಡು ಇಲ್ಲ ಪೊಂಜೊವು ಲಕ್ಕ್‌ದಿತ್ತ್‌ದ್, ಕಲ್ವೆ ಪದ್ರಾಡಾತೆ.
ಉಬಾರ್ ಪೊಲೀಸೆರ್ ಜಾಗೆಗ್ ಬತ್ತ್‌ದ್, ಶ್ವಾನ ದಳ ಒ
ಬೊಕ್ಕ ಫಿಂಗರ್ ಪ್ರಿಂಟ್ ಎಕ್ಸ್‌ಪರ್ಟ್‌ನಕಲೆನ್ ಲೆಪ್ಪುಡಾದ್ ಜಡ್ತೆ ಮಲ್ತೊಂದುಲ್ಲೆರ್.