Last updated on April 9th, 2025 at 01:51 pm
ಬೆದ್ರ: ತಾಲೂಕ್‌ದ ಶಿರ್ತಾಡಿ ಗ್ರಾಮೊದ ಮಕ್ಕಿ ನಿವಾಸಿ ರಮೇಶ ಪೂಜಾರಿ ಪನ್ಪಿನಾರೆನ ಇಲಾಲದ ಗೂವೆಲ್‌ಗ್ ಒಂಜಿ ಚಿಟ್ಟೆಪಿಲಿ ಬೂರ್ದಿತ್ತ್‌ದ್, ಚಿಟ್ಟೆಪಿಲಿನ್ ಅರಣ್ಯಾಧಿಕಾರಿಲು ಮಿತ್ತ್ ದೇರ್ತ್‌ದ್ ರಕ್ಷಣೆ ಮಲ್ತಿನ ನಡಕೆ ಎ.8ದ ಅಂಗಾರೆ ನಡೀರ್ ನಡತ್‌ದ್ಂಡ್.
ಈ ಕಾರ್ಯಚರಣೆಡ್ ಬೆದ್ರದ ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಪಿ. ಶ್ರೀಧರೆ ಮೆರೆನ ನಿರ್ದೇಶನದ ಲೆಕ, ಬೆದ್ರ ವಲಯ ಅರಣ್ಯಾಧಿಕಾರಿ ಕಿರಣ್ ಕುಮಾರ್ ಜಿ. ಮೆರೆನ ಮಾರ್ಗದರ್ಶನೊಡು ಉಪ ವಲಯ ಅರಣ್ಯಾಧಿಕಾರಿ ಕಾವ್ಯ ಆರ್., ರಾಘವೇಂದ್ರ ಶೆಟ್ಟಿ, ಬಸಪ್ಪ ಹಲಗೇರ, ಗಸ್ತು ಅರಣ್ಯ ಪಾಲಕೆರ್ ಧರ್ಮರಾಜ, ಮಂಜುನಾಥ ಮಳ್ಳಿ, ರಾಜೇಶ್, ಚಂದ್ರಶೇಖರ್, ಅರಣ್ಯ ವೀಕ್ಷಕೆರ್ ಜನಾರ್ಧನ, ರಂಜನ್, ಡ್ರೈವರ್ ಮಿಥುನ್ ಪಾಲ್ ಪಡೆದಿತ್ತೆರ್.