Last updated on April 4th, 2025 at 10:52 am
ಬೊಲ್ತೇರ್: ಮರತ ಗೆಲ್ಲ್ ಕಡ್ಪುನಗ HT ಲೈನ್‌ಗ್ ಕೊಲ್ತ್‌ದ್, ಮರೊರ್ದು ತಿರ್ತ್ ಬೂರ್ದು ಆಂಜೊವು ಒರಿ ತೀರ್ದಿನ ನಡಕೆ ಬೊಲ್ತೇರ್ ತಾಲೂಕ್‌ದ ಕಸಬಾ ಗ್ರಾಮೊದ ಪುಂಡಿಕುಕ್ಕು ಪನ್ಪಿನಲ್ಪ ಕೋಡೆ ನಡತ್‌ದ್ಂಡ್. ಚನನ ಗೌಡೆ (69) ತೀರ್ದಿನ ಆಂಜೊವು.
ಚನನ ಗೌಡ ಮೇರ್ ಮೆಸ್ಕಾಂ ಇಲಾಖೆದ ಅನು ಗೆತೊನಂದೆ, ಪ್ರೈವೇಟ್ ಜಾಗೆಡ್ ಇಪ್ಪುನ ಮರತ ಗೆಲ್ಲ್ ಕಡ್ತೊಂದುಪ್ಪುನಗ, ಗೆಲ್ಲ್ ಆಕಸ್ಮಿಕವಾದ್, ಅಲ್ಪನೇ ಸಾದಿಡೆ ಪೋತಿನ 11ಕೆವಿ ಕುವೆಟ್ಟು ಫೀಡರ್‌ದ HT line ಗ್ ಕೊಲ್ತ್‌ದ್, ಕರೆಂಟ್ ಶಾಕ್ ಆಕ್‌ದ್ ಮರೊರ್ದು ತಿರ್ತ್ ಬೂರ್ದೆರ್. ಅಪಗನೇ ಆರೆನ್ ಬೊಲ್ತೇರ್ ತಾಲೂಕ್ ಸರಕಾರಿ ಆಸ್ಪತ್ರೆಗ್ ಲೆತೊಂದು ಪೋತೆರ್. ಅಲ್ಪದ ಬೈದ್ಯೆರ್ ತಪಾಸಣೆ ಮಲ್ತ್‌ದ್ ಎಚ್ಚಿನ ಮರ್ದ್‌ಗ್ ಕುಡ್ಲದ ಆಸ್ಪತ್ರೆಗ್ ಲೆತಪೋಯೆರ ಪನ್ದಿತ್ತ್‌ದ್, ಸಾದಿ ನಡುಟೇ ಚನನ ಗೌಡೆ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್. ಈ ಬಗೆಟ್ ಬೊಲ್ತೇರ್ ಪೊಲೀಸ್‌ ಸ್ಟೇಶನ್‌ಡ್ ಒಯಿಲ್ ದಾಕಲಾತ್ಂಡ್.