Last updated on April 30th, 2025 at 10:57 am
ಅಬ್ಬಾ..! ಕಾಂಡೆ ಕಾಂಡೆ ಮೂಡಾಯಿಡ್ ಸೂರ್ಯ ದೇಬೆರ್ ಮೂಡುನ ಪೊರ್ತುಡು, ಕಟ್ಟೆದಡೆ ಬತ್ತ್‌ದ್ ಪತ್ತ್ ಬಿರೆಲೊಪ್ಪ ಗೋಡ್ಯಾದ್ ತರೆ ತಗ್ಗಾದ್ ಕೈ ಮುಗಿದ್, ಸುತ್ತು ಬರ್ಪುನ ಪೊರ್ಲು ತೂನಗ ಏರ್ಲಾ ಎನ್ನೊಡು, ಬಾರೀ ಭಕ್ತಿದಾಯೆ, ಎಡ್ಡೆ ನರಮಾನಿ ಪನ್ದ್. ಆಂಡ ಮೂಲು ನಡತಿನೇ ಬೇತೆ.
ಬಾರೀ ಸುಬಗ ಲೆಕ ಕೋಡೆ, ಎಪ್ರಿಲ್ 29 ದಾನಿ ಕಾಂಡೆ 5:50ದ ಅಂದಾಜಿಗ್ ಮೇರಿಹಿಲ್‌ದ ಕೊರಗ ತನಿಯನ ಕಟ್ಟೆದಡೆ ಬತ್ತ್‌ದ್ ಕೈ ಮುಗಿದ್ ಸುತ್ತು ಬತ್ತಿನಾಯೆ ಮೆಲ್ಲ ಗೇಟ್ ದೆತ್ತ್‌ದ್ ಉಲಯಿ ಬತ್ತ್‌ದ್ ಕುಡೊರ ಕೈ ಮುಗಿದ್ ಸೀದಾ ಕಾಣಿಗೆ ಡಬ್ಬಿ ಲಕ್ಕಾದ್ ಕಟ್ಟೆದ ಪಿರವು ಮೆಯಿಟೆ ಗೇಟ್ ಲಾಗಿದ್ ಸೀದಾ ಡಬ್ಬಿನ್ ಪತೊಂದು ಪೋತೆ.
ಇಂಚ ಡಬ್ಬಿ ಲಕ್ಕಾವೊಂದು ಪೋತಿನಾಯೆ ಬೋಂದೆಲ್ ಎತ್ತೆರೆ ದುಂಬು ತಿಕ್ಕ್‌ದ್ ಬೂರ್ದೆ ಪನ್ದ್ ತೆರಿದ್ ಬೈದ್ಂಡ್.
ನರಮಾನ್ಯಗ್ ಬಂಙ ಏತ್‌ಲಾ ಇಪ್ಪು, ಆಂಡ ಕಂಡುನವು ಆ ಬಂಙೊಗು ಏಪೊಗುಲಾ ಪಿರಿಕಟ್ಟ್ ಅತ್ತ್. ಅವು ಕುಡ ಆಯನ್ ಬಂಙೊದ ಗೂವೆಲ್‌ದ ಅಡಿಕೇ ಪಾಡುನತ್ತಂದೆ ಮಿತ್ತ್ ಬರ್ಯೆರೆ ಬುಡ್ಪುಜಿ.
ಇತ್ತೆ ಒಂತೆ ಪೊರ್ತುದುಲಯಿಡೇ ತಿಕ್ಕ್‌ದ್ ಬೂರ್ದಿನೆನ್ ಜನ ತನಿಯನ ಕಾರ್ಣಿಕ ಪನ್ದ್ ಪನೊಂದುಲ್ಲೆರ್.