Last updated on April 11th, 2025 at 11:18 am
ಮುಲ್ಕಿ, ಎ. 11: ಬುಧವಾರೊರ್ದು ನಾಪತ್ತೆ ಆದಿತ್ತಿನ ರಿಕ್ಷಾ ಡ್ರೈವರ್ ಮೂಲ್ಕಿ ಕೊಳ್ನಾಡ್‌ದ ಮುಹಮ್ಮದ್ ಶರೀಫ್ ಮೆರೆನ ಪುನ ಕುಂಜತ್ತೂರು ಪದವು ಪನ್ಪಿನಲ್ಪ ಜನದಾಂತಿನ ಜಾಗೆದ ಗೂವೆಲ್‌ಡ್ ತಿಕ್ಕ್‌ದ್ಂಡ್.
ಬುಧವಾರ ಕಾಂಡೆ ಏಪೊಲ್ದಲೆಕ ರಿಕ್ಷಾಡ್ ಇಲ್ಲರ್ದ್ ಪೋದಿತ್ತಿನ ಮೇರ್ ಆನಿ ಇಲ್ಲಗ್ ಬರಂದೆ ನಾಪತ್ತೆ ಆದಿತ್ತೆರ್. ಬೊಡೆದಿ ಕಾಲ್ ಮಲ್ಪುನಗ ಮೊಬೈಲ್ ಸಂಪರ್ಕೊಗು ತಿಕ್ಕಂದಿನೆರ್ದಾವರ ಪೊಲೀಸೆರೆಗ್ ಒಯಿಲ್ ಕೊರ್ತೆರ್. ಜಡ್ತೆ ನಡತೊಂದಿತ್ತಿಲೆಕನೆ ಗುರುವಾರ ರಾತ್ರೆ ಕೇರಳ- ಕರ್ನಾಟಕ ಗಡು ಭಾಗೊದ ಕುಂಜತ್ತೂರು ಪದವು ಪನ್ಪಿನಲ್ಪ ಗೂವೆಲ್‌ಡ್ ಪುನ ತಿಕ್ಕ್‌ದ್ಂಡ್. ಮುಟ್ಟಡೇ ಮೆರೆನ ರಿಕ್ಷಾಲಾ ತಿಕ್ಕ್‌ದ್ಂಡ್.
ಕೆರ್ತಿನ ಶಂಕೆ ಇತ್ತಿನೆರ್ದಾವರ ಪೋಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.