Last updated on April 27th, 2025 at 07:35 am
ಕಾರ್ಲ, ಏ.26: 2024ನೇ ಸಾಲ್‌ದ ಲೋಕಸೇವಾ ಆಯೋಗ (UPSC) ಪರೀಕ್ಷೆಡ್ ಕಾರ್ಲ ಸಾಲ್ಮರದ ಶೌಖತ್ ಅಝೀಮ್ 345ನೇ ರ‍್ಯಾಂಕ್‌ ಗೆಂದ್‌ದ್ ಐಎಎಸ್ ಆಪಿನ ಕನೊನು ನಿಜ ಮಲ್ತೊಂದೆರ್.
ಒರ್ಮ್ಬನೇ ಸರ್ತಿ UPSC ಪರೀಕ್ಷೆ ಬರೆಯಿನ ಮೇರ್ ಅಕೇರಿದ ಪುನೆಪುಡು ಎಡ್ಡೆ ರ‍್ಯಾಂಕ್‌ ಆಕ್‌ದ್ ಸಾದಗೊ ಬೆನ್ತೆರ್. ಮೇರ್ ಕಾರ್ಲ ಸಾಲ್ಮರದ ಶೇಖ್ ಅಬ್ದುಲ್ಲಾ, ಮೈಮುನ ದಂಪತಿಲೆನ ಮಗೆ. ಅಮ್ಮೆ ಶೇಖ್ ಅಬ್ದುಲ್ಲಾ ಮೇರ್ ಟ್ರಕ್ ಡ್ರೈವರ್ ಆದ್ ಜೂವನ ಕಟ್ಟೊಂದಿನಾರ್.
ಮೇರ್ ಕಾರ್ಕಳ ಸರಕಾರಿ ಉರ್ದು ಶಾಲೆ, ಶ್ರೀಮದ್ ಭುವನೇಂದ್ರ ಶಾಲೆ, ಕುಕ್ಕುಂದೂರು ಕೆಇಎಂಎಸ್ ಕಾಲೇಜ್, ಬೆದ್ರದ MITE ಕಾಲೇಜಿಡ್ ಇಂಜಿನಿಯರಿಂಗ್ ಮಲ್ತ್‌ದೆರ್.
2022ತ UPSC ಪರೀಕ್ಷೆಡ್ ಪಾಸ್ ಆದಿತ್ತಿನ ಮೇರ್ ರಕ್ಷಣಾ ಇಲಾಖೆದ ಅಕೌಂಟಿಂಗ್ ಘಟಕೊಗು ಅಜತ್ ಬತ್ತಿತ್ತ್‌ದ್, ಇತ್ತೆ ಪುಣೆಡ್ ಬೇಲೆ ಮಲ್ತೊಂದುಲ್ಲೆರ್.