Last updated on April 17th, 2025 at 04:21 pm
ಬೊಲ್ತೇರ್: ಬೈಕ್ ಬೊಕ್ಕ ರಿಕ್ಷಾ ಎಡ್ತೊಂದಿನ ನಡಕೆ ಉಜಿರೆದ ಇಂಡಿಯನ್ ಪೆಟ್ರೋಲ್‌ ಪಂಪ್‌‌ದ ಕೈತಲ್ ಎ.16 ತಾನಿ ನಡತ್‌ದ್ಂಡ್.
ಚಾರ್ಮಾಡಿ-ಉಜಿರೆ ರಾಷ್ಟ್ರೀಯ ಪೆರ್ಸಾದಿಡ್ ಉಜಿರೆರ್ದ್ ಚಾರ್ಮಾಡಿ ದಂಚಿಗ್ ಪೋವೊಂದಿತ್ತಿನ ರಿಕ್ಷಾ, ಅನುಗ್ರಹರ್ದ್ ಉಜಿರೆಗ್ ಬರೊಂದಿತ್ತಿನ ಬೈಕ್‌‌ದ ನಡುಟು ಎಡ್ತೆ ನಡತ್‌ದ್ಂಡ್.
ಪೆಟ್ರೋಲ್‌ ಪಂಪ್‌ ದಂಚಿ ತಿರ್ಗಾವುನ ಪೊರ್ತುಡು ರಿಕ್ಷಾಗ್ ಎದುರುರ್ದ್ ಬತ್ತಿನ ಬೈಕ್ ಎಡ್ತ್‌ದ್ಂಡ್. ಎಡ್ತಿನ ಪೆಟ್ಟ್‌ಗ್ ರಿಕ್ಷಾದ ಎದುರು ಮೆಯಿ ಞಕ್ಕೆ ಆದ್, ರಿಕ್ಷಾ ಬುಡೊಂದಿತ್ತಿನ ಜನಕ್ ಗಾತಿದ ಗಡಿಕುಲಾತ, ಆ ಜನನ್ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್‌ದೆರ್.
ಬೈಕ್ ಬುಡೊಂದಿತ್ತಿನ ಉಜಿರೆದ ತನುಷ್ ಶೆಟ್ಟಿ ಗ್ಲಾ ಗಾತಿದ ಗಡಿಕುಲಾದಿತ್ತ್‌ದ್ ಕೈ ಫ್ರಾಕ್ಚರ್ ಆತ್ಂಡ್, ಆಸ್ಪತ್ರೆಗ್ ದಾಕಲ್ತ್‌ದೆರ್. ತನುಷ್ ಶೆಟ್ಟಿ ಸೌಜನ್ಯ ಪ್ರಕರಣೊಡು ಪೊರ್ಮ್ಬಾಟ ಮಲ್ತೊಂದಿತ್ತಿನ ಮಹೇಶ್ ಶೆಟ್ಟಿ ತಿಮರೋಡಿನ ಪಲಯನ ಮಗೆ ಪನ್ದ್ ತೆರಿದ್ ಬೈದ್ಂಡ್ ಅಂಚೆನೇ ರಿಕ್ಷಾ ಹಾಸನ ದಂಚಿದವು ಪನ್ದ್ ತೆರಿದ್ ಬೈದ್ಂಡ್
ಬೊಲ್ತೇರ್ ಟ್ರಾಫಿಕ್ ಸ್ಟೇಷನ್ ಪೊಲೀಸೆರ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್.