Last updated on May 3rd, 2025 at 05:14 pm
ಕುಡ್ಲ, ಮೇ 03: ಹಿಂದೂ ಸಂಘಟನೆ ಕಾರ್ಯಕರ್ತೆ ಸುಹಾಸ್ ಶೆಟ್ಟಿನ್ ಕೆರ್ತಿನ ಪ್ರಕರಣ ರಾಜಕೀಯವಾದ್ ಬಾರೀ ಚರ್ಚೆ ಉಂಡು ಮಲ್ದ್ಂಡ್. ಆರೋಪಿಲೆನ ಬೋಂಟೆಗ್ ಕುಡ್ಲ ಪೊಲೀಸ್ ಕಮಿಷನರ್ ಅನುಪಮ್ ಅಗರ್‌‌ವಾಲ್ ಪೊಲೀಸೆರೆ 5 ಕೂಟ ಉಂಡು ಮಲ್ತಿತ್ತೆರ್. ಇತ್ತೆ ನಡಕೆ ನಡತಿನ 24 ಗಂಟೆದುಲಯಿ ಪೊಲೀಸೆರ್ ಶಂಕಿತ ಆರೋಪಿಲೆನ್ ಪತ್ತ್‌ದೆರ್.
ಸುಹಾಸ್ ಶೆಟ್ಟಿನ್ ಕೆರ್ತಿನ ಕೇಸ್ಡ್ ಒಟ್ಟು 8 ಆರೋಪಿಲೆನ್ ವಶೊಕು ಗೆತೊಂದೆರ್. ಮಾತಾ ಶಂಕಿತ ಆರೋಪಿಲೆನ ವಿಚಾರಣೆ ಜೋರುಡೆ ನಡತೊಂದುಂಡು. ಆರೋಪಿಲು ಕುಡ್ಲಡೇ ದೆಂಗ್‌ದ್ ಕುಲ್ದತ್ತೆರ್ ಪನ್ದ್ ತೆರಿದ್ ಬೈದ್ಂಡ್. ಕುಡ್ಲ ಜಿಲ್ಲೆಡೇ ಕಾರ್ಯಾಚರಣೆ ಮಲ್ತ್‌ದ್ ಆರೋಪಿಲೆನ್ ಪತ್ತ್‌ದೆರ್.
ಬರ್ಬರವಾದ್ ಕೆರ್ತಿನ ಕೆಂಗುಡೆರೆನ್ ಗುರ್ತ ಪತ್ತ್‌ದಿತ್ತ್‌ದ್, ಪ್ರಮುಖ ಆರೋಪಿಲೆ ಬಗೆಟ್ ಪೊಲೀಸೆರ್ ಒಲವು ಒಟ್ಟು ಮಲ್ದೆರ್. ಇನಿ ಪೆರಿಯ ಪೊಲೀಸ್ ಅಧಿಕಾರಿಲು ಸುದ್ದಿಗೋಷ್ಠಿ ಮಲ್ತ್‌ದ್ ಆರೋಪಿಲೆನ ಒಲವು ಕೊರ್ಪುನ ಸಾಧ್ಯತೆ ಉಂಡು.