Last updated on May 4th, 2025 at 09:14 am
ಕಡಬ ಮೇ 03: ಬಜ್ಪೆಡ್ ಹಿಂದೂ ಕಾರ್ಯಕರ್ತೆ ಸುಹಾಸ್ ಶೆಟ್ಟಿನ್ ಕೆರ್ತಿನ ಪ್ರಕರಣೊಗು ಸಂಬಂಧಿತ್ದ್ ಒರಿ ಜವನನ ಫೋಟೋ ಗಲಸ್ದ್ ಆಕ್ಷೇಪಾರ್ಹ ಪೋಸ್ಟ್ ಒಂಜಿ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆದಿತ್ತ್ಂಡ್. ಇತ್ತೆ ಬೆಸರ್ಡ್ ಜವನೆ ಪೊಲೀಸ್ ಸ್ಟೇಶನ್ಡ್ ಒಯಿಲ್ ಬರೆಪಾದೆ.
“ಸುಹಾಸ್ನ್ ಕೆರ್ತಿನ ಆರೋಪಿಲೆಗ್ ಕಾರ್ ಕೊರ್ತಿನ ಹಿಂದೂ ಜವನೆ” ಪನ್ಪಿನ ತರೆಬರವುಡು ಒರಿ ಜನವವ ಪೋಟೋ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆತ್ಂಡ್. ಸುಬ್ರಹ್ಮಣ್ಯ ನಿವಾಸಿ ತಶ್ವಿತ್ ಪನ್ಪಿನ ಜವನನ ಏರೋ ಗಲಸ್ದ್ ಅವೆನ್ ಎಡಿಟ್ ಮಲ್ತ್ದ್ ಇತ್ತೆ ಸಾಮಾಜಿಕ ಬಲೆತ್ತಾನೊಡು ಬೊಕ್ಕ ಮುಸ್ಲಿಂ ಪೇಜ್ಲೆಡ್ ಪಟ್ಟೊಂದೆರ್ ಉಂದೆರ್ದಾವರ ಬೆಸರ್ಡ್ ಜವನೆ ತಶ್ವಿತ್ ಸುಬ್ರಹ್ಮಣ್ಯ ಪೋಲೀಸ್ ಸ್ಟೇಷನ್ಡ್ ಕೆಂಗುಡೆರೆನ ಮಿತ್ತ್ ಕ್ರಮ ಗೆತೊನೆರ ಒಯಿಲ್ ಬರೆಪಾದೆರ್.