Last updated on May 1st, 2025 at 04:35 pm
ಕಾಸ್ರೋಡ್, ಮೇ.01: ಪೆಲಕಾಯಿ ಮೂರೊಂದುಪ್ಪುನಗ ತತ್ತ್ದ್ ಮೊಟ್ಟತ್ತಿದ ಮಿತ್ತ್ ಬೂರ್ದ್ ಎಣ್ಮ ವರ್ಸ ಪ್ರಾಯೊದ ಆಣ್ ತೀರ್ದಿನ ನಡಕೆ ಬುಧವಾರ ಬಯ್ಯಡ್ ವಿದ್ಯಾನಗರ ಸ್ಟೇಶನ್ ಸೀಮೆದ ಪಾಡಿ ಬೆಳ್ಳೂರಡ್ಕ ಪನ್ಪಿನಲ್ಪ ನಡತ್ದ್ಂಡ್.
ಬದಿಯಡ್ಕ ಪಿಲಾಂಕಟ್ಟೆದ ಅಮೀರ್ ಸುಲೈಕಾ ದಂಪತಿಲೆನ ಮಗೆ ಹುಸೈನ್ ಶಹಬಾಸ್ ತೀರ್ದಿನ ಆಣ್. ಅಪ್ಪೆನೊಟ್ಟುಗು ಆಲಂಪಾಡಿ ಬೆಳ್ಳೂರಡ್ಕಡ್ ಇಪ್ಪುನ ಅಜ್ಜಿ ಇಲ್ಲಗ್ ಹುಸೈನ್ ಬತ್ತಿತ್ತೆ. ಅಪ್ಪೆ ಅಡ್ಪಿಲ್ಲ್ದ ಪಿದಯಿ ಮೊಟ್ಟತ್ತಿಡ್ ಪೆಲಕಾಯಿ ಮೂರೊಂದುಪ್ಪುನಗ ಗೊಬ್ಬೊಂದಿತ್ತಿನ ಹುಸೈನ್ ಪಾರೊಂದು ಬತ್ತ್ದ್, ಕಾರ್ ಜಾರ್ದ್ ಮೊಟ್ಟತ್ತಿದ ಮಿತ್ತ್ ಬೂರ್ದೆ.
ತಿಗಲೆಗ್ ಗಾತಿದ ಗಡಿಯಾದಿತ್ತಿನ ಆಣನ್ ಕಾಸ್ರೋಡ್ದ ಆಸ್ಪತ್ರೆಗ್ ಲೆತೊಂದು ಪೋಂಡಲಾ ಜೂವ ಒರಿಪಾಯೆರೆ ಆತಿಜಿ. ತಿಗಲೆಗ್ ಗಾತಿದ ಪೆಟ್ಟ್ ಬೂರ್ದಿತ್ತ್ದ್ ಮರ್ದ್ ಪಲಿಪಂದೆ ತೀರ್ದೆರ್ ಪನ್ದ್ ಪನೊಂದುಲ್ಲೆರ್. ಅಮೀರ್ ಸುಲೈಕಾ ದಂಪತಿಲೆನ ಅಮರ್ ಜೋಕುಲೆಡ್ ಹುಸೈನ್ ಒರಿ ಆದಿತ್ತೆ. ವಿದ್ಯಾನಗರ ಸ್ಟೇಷನ್ ಪೊಲೀಸೆರ್ ಅಸಹಜ ಸಾವು ಪ್ರಕರಣ ದಾಕಲ್ತೊಂದೆರ್.