Last updated on May 28th, 2025 at 03:35 pm
ಪುತ್ತೂರು, ಮೇ 28: ರಾಜ್ಯೊಡು ಒರಿ ನಾಲಾಯಕ್ ಗೃಹಸಚಿವೆ ಉಲ್ಲೆರ್, ಆರೆಗ್ ಪೊಲೀಸ್ ಇಲಾಖೆದ ಮಿತ್ತ್ ಅಂಕೆನೇ ಇಜ್ಜಿ ಪನ್ದ್ ಮುಸ್ಲಿಂ ಯುವಜನ ಒಕ್ಕೂಟೊದ ಅಶ್ರಫ್ ಕಲ್ಲೇಗ ಆರೋಪ ಮಲ್ದೆರ್.
ಪುತ್ತೂರುಡು ಪಾತೆರ್ನ ಆರ್ ಬಂಟ್ವಾಳಡ್ ರಹೀಂನ್ ಕೆರ್ತಿನ ಪ್ರಕರಣೊಡು ಸರಕಾರ ಬೊಕ್ಕ ಪೋಲೀಸ್ ಇಲಾಖೆದ ವೈಫಲ್ಯ ಇತ್ತ್ದ್, ರಾಜ್ಯೊಡು ಒರಿ ನಾಲಾಯಕ್ ಗೃಹಸಚಿವೆ ಉಲ್ಲೆರ್ ಆಂಡ ಆರೆಗ್ ಪೋಲೀಸ್ ಇಲಾಖೆದ ಮಿತ್ತ್ ಅಂಕೆನೇ ಇಜ್ಜಿ. ಕುಡೊರಿ ಅತಿಥಿ ಉಸ್ತುವಾರಿ ಸಚಿವೆರ್, ಆರ್ ಜಿಲ್ಲೆಗ್ ಗೆಸ್ಟ್ ಲೆಕ್ಚರರ್ ಲೆಕ ಬರ್ಪೆರ್.
ಸುಹಾಸ್ ಶೆಟ್ಟಿನ್ ಕೆರ್ನೆರ್ದ್ ಬೊಕ್ಕ ಪಾಕ ಕಡೆಟ್ ದ್ವೇಷ ಭಾಷಣ ಮಲ್ದೆರ್. ಈ ದ್ವೇಷ ಭಾಷಣ ಮಲ್ತಿನಕ್ಲೆನ ಮಿತ್ತ್ ಶಿಸ್ತು ಕ್ರಮ ಗೆತೊಂದು ಅರೆಸ್ಟ್ ಮಲ್ಪುನ ಬೇಲೆ ಆತಿಜಿ. ಸ್ಪೀಕರ್ ಯು.ಟಿ.ಖಾದರ್ ಜಿಲ್ಲೆಡ್ ಎಡ್ಜೆಸ್ಟ್ಮೆಂಟ್ ರಾಜಕಾರಣ ಮಲ್ತೊಂದುಲ್ಲೆರ್. ಜಿಲ್ಲೆಡ್ ಎಂಚಿನಾಂಡಲಾ ಗಡಿಬಿಡಿ ಆಕಂಡ ಪನ್ದ್ ಪನ್ಪೆರ್. ಸ್ಪೀಕರ್ ಇತ್ತ್ದ್ಲಾ ಜಿಲ್ಲೆಡ್ ಕೊಲೆತಂಚಿನ ನಡಕೆಲು ಎಚ್ಚ ಆವೊಂದೇ ಉಲ್ಲ. ಸರಕಾರ ಈ ಕೋಮುವಾದಿಲೆನ ಒಟ್ಟುಗೇ ಸೇರೊಂದುಂಡಾ ಪನ್ದ್ ಎನ್ನುಂಡು ಪನ್ದ್ ಆರೋಪ ಮಲ್ದೆರ್.