Last updated on May 24th, 2025 at 09:05 am
ಹಾಸನ, ಮೇ 23: ನನ ದಾನೆ ಮದಿಮಯೆ ಮದಿಮಲೆಗ್ ತಾಳಿ ಕಟ್ಟೊಡು ಪನ್ದಾನಗ ಎಂಕ್ ಮದಿಮೆ ಬೊರ್ಚಿ ಪನ್ದ್ ಮದಿಮಲ್ ಮದಿಮೆ ಕಡಿತಿನ ನಡಕೆ ಹಾಸನಡ್ ನಡತ್ದ್ಂಡ್.
ಗಟ್ಟದ ಕ್ರಮ ಪ್ರಕಾರ ಮಂತ್ರಘೋಷ, ಗಟ್ಟಿ ಮೇಳ ಬೊಟ್ಟೊಂದಿತ್ತಿಲೆಕನೆ ಮದಿಮಯೆ ತಾಳಿ ಪತೊಂದು ಕಟ್ಟೆರೆ ರೆಡಿ ಆದಿತ್ತೆ. ತಾಳಿ ಕಟ್ಟೊಡು ಪನ್ದಾನಗ ‘ಈ ಮದಿಮೆ ಬೊರ್ಚಿ’ ಪನ್ದ್ ಮದಿಮಲ್ ಪನ್ತಲ್. ತಾಳಿ ಕಟ್ಟುನ ಒಂತೆ ಪೊರ್ತುಗು ದುಂಬು ಚಙ್ಗಾಯಿನ ಮೊಬೈಲ್ ಕಾಲ್ ಬತ್ತಿತ್ತ್ದ್, ಮದಿಮಲ್ ಮದಿಮೆನ್ ಉಂತಾದಲ್.
ಈ ಪೊರ್ತುಡು ‘ನಿಜವಾದ್ಲಾ ಮದಿಮೆ ಇಷ್ಟ ಇಜ್ಜಾ’ ಪನ್ದ್ ಆಣ್ ಪಾಕ ಸರ್ತಿ ಕೇನ್ದೆ. ಆಂಡ, ಎಂಕ್ ಮದಿಮೆ ಇಷ್ಟ ಇಜ್ಜಿ ಪನ್ದೇ ಮದಿಮಲ್ ಪನ್ತಲ್. ಪೊಣ್ಣನ ಅಪ್ಪೆಅಮ್ಮೆ, ಜೋರು ಮಲ್ತ್ದ್ ಮದಿಮೆ ಮಲ್ಪಾಯೆರ ತೂತೆರ್. ಆಂಡ, ‘ಯಾನ್ ಕುಡೊರಿ ಆಣನ್ ಮೋಕೆ ಮಲ್ತೊಂದುಲ್ಲೆ’ ಪನ್ದ್ ಮದಿಮಲ್ ಪನ್ತಲ್.
ಮದಿಮೆ ಬೊರ್ಚಿ ಪನ್ದ್ ಲಕ್ಕಿನ ಪೊಣ್ಣು ಸೀದಾ ಹಾಲ್ರ್ದ್ ಕಾರ್ಡ್ ಪೋತಲ್. ರಡ್ಡ್ ಕಡೆತಕ್ಲೆನ ನಡುಟುಲಾ ಲಡಯಿ ಆದಿತ್ತ್ದ್, ಪೊಲೀಸೆರ್ ಬತ್ತ್ದ್ ಪರಿಸ್ಥಿತಿನ್ ಅಂಕೆಗ್ ಕನತ್ದೆರ್.
ಇಂಚ ಮದಿಮೆದ ಮಂಟಮೆ ಜತ್ತ್ದ್ ಪೋಯಿನ ಪೊಣ್ಣು ಪಲ್ಲವಿ ಆದಿಚುಂಚನಗಿರಿ ಕಲ್ಯಾಣ ಮಂಟಪಡ್ ಇಪ್ಪುನ ಗಣಪತಿ ದೇಲಂತಡೆದ ಎದುರು ತಾನ್ ಮೋಕೆ ಮಲ್ತಿನ ಆಣ್ ರಘು ನ್ ಮದಿಮೆ ಆತಲ್.
