Last updated on May 11th, 2025 at 04:56 pm
ಪುತ್ತೂರು, ಮೇ 11: KSRTC ಬಸ್ದ ಡ್ರೈವರ್ ತನ್ನ ಗೋಸ್ಮರಿದ ಡ್ರೈವಿಂಗ್ಡ್ ಬೈಕ್ ಬುಡೊಂದಿತ್ತಿನ ಅಮ್ಮೆ ಬೊಕ್ಕ ಮಗನ್ ಬಲಿ ಗೆತೊಂದಿನ ಘಟನೆ ಪುತ್ತೂರುಗು ಮುಟ್ಟದ ಕಬಕಡ್ ಇನಿ ಐತಾರ ನಡತ್ದ್ಂಡ್.
ಬಂಟ್ವಾಳ ತಾಲೂಕ್ದ ನರಿಕೊಂಬು ಕೈತಲ್ದ ನಾಯಿಲ ಬೋರುಗುಡ್ಡೆ ನಿವಾಸಿ ನರಿಕೊಂಬು ಗ್ರಾಪಂ ಸದಸ್ಯೆ ಬೊಕ್ಕ ಸಮಾಜಸೇವಾ ಬ್ಯಾಂಕ್ ನಿರ್ದೇಶಕೆರಾಯಿನ ಅರುಣ್ ಕುಲಾಲ್ (45) ಬೊಕ್ಕ ಆರೆನ ಮಗೆ ಧ್ಯಾನ್ (15) ಎಡ್ತೆಡ್ ತೀರ್ದಿನಕುಲು. ಮಾಣಿ- ಮೈಸೂರು ರಾ.ಪೆರ್ಸಾದಿದ ಕಬಕ ಮುಟ್ಟದ ಕುವೆತ್ತಿಲ ಪನ್ಪಿನಲ್ಪ ತಿರ್ಗೆಲ್ಡ್ KSRTC ಬಸ್ ಬೊಕ್ಕ ಬೈಕ್ ಎಡ್ತೊಂದ. ಈ ನಡಕೆಡ್ ಅರುಣ್ ಕುಲಾಲ್ ಅಲ್ಪನೇ ತೀರ್ದೆರ್. ಆರೆನ ಮಗೆ ಧ್ಯಾನ್ಗ್ ಗಾತಿದ ಗಡಿಕುಲಾದಿತ್ತ್ದ್, ಅಪಗನೇ ಕುಡ್ಲದ ಆಸ್ಪತ್ರೆಗ್ ದಾಕಲ್ತ್ಂಡಲಾ ಮರ್ದ್ ಪಲಿಪಂದೆ ತೀರ್ದೆರ್.
ತನ್ನ ಸಂಬಂಧೊದಾರೆನ ಮಗಲೆನ ಮದಿಮೆ ಸುಳ್ಯಡಾ ನಡತೊಂದಿತ್ತ್ದ್, ಈ ಲೇಸ್ಗ್ ಅಮ್ಮೆ ಮಗೆ ಇರ್ವೆರ್ಲಾ ಬೈಕ್ಡ್ ಪಿದಡ್ದಿತ್ತೆರ್. ಆಂಡ ಕುವೆತ್ತಿಲ ತಿರ್ಗೆಲ್ಡ್ ರಾಂಗ್ ಸೈಡ್ಡ್ ಬತ್ತಿನ ಸರ್ಕಾರಿ ಬಸ್ದ ಡ್ರೈವರ್ನ ಗೋಸ್ಮರಿ ಬೊಕ್ಕ ಬೇಜವಾಬ್ದಾರಿದ ಡ್ರೈವಿಂಗ್ಗ್ ರಡ್ಡ್ ಜೂವ ಬಲಿ ಆತ್ಂಡ್.