ಬೆರ್ಮೆರ್ ಬೈದೆರ್ಲೆಡೊಪ್ಪ ಸೇರ್ಯೆರ್ ದರ್ಶನ ಪಾತ್ರಿ ಶ್ರೀ ಸುರೇಶ್ ಪೂಜಾರಿ  

Last updated on May 13th, 2025 at 07:28 pm

ಪುಗರ್ತೆದ ಬೈದೆರ್ಲೆನ ಪಾತ್ರಿ ಆಯಿನ ಶ್ರೀ ಸುರೇಶ್ ಪೂಜಾರಿ ಮೇರ್ ಒಂತೆ ಸಮೆರ್ದಿಂಚಿ ಉಸಾರ್ ತತ್ತ್‌ದ್ ಇತ್ತ್‌ದ್, ಇನಿ ದೇಬೆರೆ ಅಂಗಾರ್ ಸೇರ್ಯೆರ್.

ಕಳತ್ತೂರು ಹಿರಿಯಣ್ಣ ಪೂಜಾರಿ ಬೊಕ್ಕ ಶ್ರೀಮತಿ ಲೀಲಾವತಿ ಪೂಜಾರಿ ಮೊಕ್ಲೆನ ಮಗೆ ಶ್ರೀ ಸುರೇಶ್ ಪೂಜಾರಿ ಇಲ್ಲದ ಕಟ್ಟ್ ಕಟ್ಲೆಲೆ ಪ್ರಕಾರ ಬೈದೆರ್ಲೆನ ದರ್ಶನ ಪಾತ್ರಿ ಆದ್ ಪುಗರ್ತೆ ಪಡೆತಿನಾರ್. ಒಡಿಪು ಜಿಲ್ಲೆದ ಪಾಕ ಪ್ರಸಿದ್ದ ಗರೋಡಿಲೆಡ್ ಚಾಕಿರಿ ಮಲ್ದಿನಾರ್. ಪರಂಪರೆ, ಸಂಪ್ರದಾಯ, ಕಟ್ಟ್ ಕಟ್ಲೆಲೆಗ್ ವಿಶೇಷ ಒತ್ತು ಕೊರೊಂದಿತ್ತಿನ ಶ್ರೀ ಸುರೇಶ್ ಪೂಜಾರ್ಲು ಬೈದೆರ್ಲೆನ ಚಾಕಿರಿನ್ ಕಾಯ ವಾಚಾ ಮನಪೂರ್ವಕವಾದ್ ಮಲ್ತೊಂದು ಬೈದಿನಾರ್. ಇತ್ತೆದ ಕಾಲೊದ ಸ್ಥಿತಿಗತಿಕ್ಲೆನ ನಡುಟುಲಾ ಬೈದೆರ್ಲೆನ ದರ್ಶನ ಪರಂಪರೆಗ್ ವಿಶೇಷ ಕಳೆಯನ್ನು ಕೊರ್ತಿನಾರ್ ಇನಿ ಬೆರ್ಮೆರ್ ಬೈದೆರ್ಲೆಡೊಪ್ಪ ಸೇರ್ದಿನವು ತುಳುನಾಡ ಗರೋಡಿ ಪರಂಪರೆಗ್ ಮಲ್ಲ ನಷ್ಟ. ಮೆರೆನ ಆತ್ಮೊಗು ಶಾಂತಿ ತಿಕ್ಕಡ್ ಪನ್ದ್ ನಟ್ಟೊನುವ.