Last updated on May 21st, 2025 at 11:24 am
ಬಂಟ್ವಾಳ, ಮೇ. 21 : ಗಂಗಸರ ಪರ್ದ್ ಆಮಲ್‌ಡ್ ಇತ್ತಿನ ಇರ್ವೆರ್ ಜವನೆರ್ ಆಲ್ಟೋ ಕಾರ್‌ಡ್ ಬತ್ತ್‌ದ್ ಬಿ.ಸಿ.ರೋಡ್ ಪೆಟ್ರೋಲ್ ಬಂಕ್‌ಡ್ ಪೆಟ್ರೋಲ್ ಪಾಡ್ಪಾದ್ ಕಾಸ್ ಕೊರಂದೆ ಪದ್ರಾಡಾದಿತ್ತ್‌ದ್, ಅಲ್ಪನೇ ಎದುರು ಪಾಲ್ತಾಜೆಡ್ ಆಕ್ಟಿವಾ ಬೊಕ್ಕ ಪಿಕಪ್‌ಗ್ ಎಡ್ತಿನ ನಡಕೆ ಮೇ 20ದಾನಿ ನಡತ್‌ದ್ಂಡ್.
ಈ ಎಡ್ತೆಡ್ ಆಕ್ಟಿವಾ ಬುಡೊಂದಿತ್ತಿನ ಕಟ್ಟತ್ತಿಲ ನಿವಾಸಿ ಅಬೂಬಕ್ಕರ್ ಮೆರೆಗ್ ಗಾತಿದ ಗಡಿಕುಲಾತ.
ಜಾಗೆಗ್ 112 ಪೊಲೀಸೆರ್ ಬೊಕ್ಕ ವಿಟ್ಲ ಪೊಲೀಸೆರ್ ಬತ್ತ್‌ದ್ ಕಾರ್ ಬೊಕ್ಕ ಅಮಲ್‌ಡ್ ಇತ್ತಿನ ಇರ್ವೆರ್ ಜವನೆರೆನ್ ವಶೊಕು ಗೆತೊಂದೆರ್. ಹಿಂದಿ ಭಾಷೆಡ್ ಪಾತೆರೊಂದಿತ್ತಿನ ಈ ಜವನೆರ್ ಬೇತೆ ರಾಜ್ಯೊದಕುಲು ಪನ್ದ್ ಪನೊಂದುಲ್ಲೆರ್.