Last updated on May 27th, 2025 at 05:02 pm
ಬಂಟ್ವಾಳ: ಬಂಟ್ವಾಳ ತಾಲೂಕ್‌ದ ಕಾಂಬೋಡಿ ಪನ್ಪಿನಲ್ಪ ಇರ್ವೆರ್ ಮುಸ್ಲಿಂ ಜವನೆರೆ ಮಿತ್ತ್ ಏರೋ ಮಾರಕಾಸ್ತ್ರೊಲೆಡ್ ದಾಳಿ ಮಲ್ತ್‌ದೆರ್ ಪನ್ದ್ ವರದಿ ಆತ್ಂಡ್.
ಕೊಳ್ತಮಜಲ್ ನಿವಾಸಿ ಪಿಕಪ್ ದನಿ ರಹೀಂ ಬೊಕ್ಕ ಹೆಲ್ಪರ್ ಶಾಫಿ ಪನ್ಪಿನಕಲೆನ ಮಿತ್ತ್ ಏರೋ ಕೆಂಗುಡೆರೆ ಕೂಟ ಮಾರಕಾಸ್ತ್ರೊಲೆಡ್ ದಾಳಿ ಮಲ್ತ್‌ದ್ ಪದ್ರಾಡಾತೆರ್ ಪನ್ದ್ ತೆರಿದ್ ಬೈದ್ಂಡ್.
ಪೆಟ್ಟಾತಿನ ಕೊಳತ್ತಮಜಲ್ ನಿವಾಸಿ ಪಿಕಪ್ ಡ್ರೈವರ್‌ನ ಪಲಯೆ ರಹೀಮ್ ಪನ್ಪಿನಾರ್ ತೀರ್ದೆರ್, ಶಾಫಿ ಪನ್ಪಿನಾರೆನ ಸ್ಥಿತಿ ಬಾರೀ ಸೀರಿಯಸ್ ಉಂಡು ಪನ್ದ್ ತೆರಿದ್ ಬೈದ್ಂಡ್.
ಗಡಿಕುಲಾತಿನಾರೆನ್ ಬಂಟ್ವಾಳ ಆಸ್ಪತ್ರೆಗ್ ಲೆತೊಂದು ಪೋತೆರ್.
ಪಿಕಪ್‌ದ ದನಿ ರಹೀಂ ಒಂಜಿ ಇಲ್ಲದ ಕೈತಲ್ ಪೊಯ್ಯೆ ಅನ್‌ಲೋಡ್ ಮಲ್ತ್‌ದ್ ಪಿರ ಪೋಪುನ ಪೊರ್ತುಡು ಈ ದಾಳಿ ನಡತ್‌ದ್ಂಡ್.