Last updated on May 2nd, 2025 at 01:07 pm
ಮುಲ್ಕಿ: ಕಾರ್ನಾಡ್ ಡ್ ಉಪ್ಪುನ ಪುಗಾರ್ತೆದ ಸರಕಾರಿ ಪದವಿ ಪೂರ್ವ ಕಾಲೇಜ್ ಡ್ ಈ ಸಲ SSLCಡ್ 100% ಫಲಿತಾಂಶ ಬೈದ್ಂಡ್.
90 ವರ್ಸ ಇತಿಹಾಸ ಉಪ್ಪುನ ಈ ಶಾಲೆಡ್ ಕರಿನ ಮೂಜಿ ವರ್ಸೊರ್ದಿಂಚಿ ದಾಖಲೆದ 100% ಫಲಿತಾಂಶ ಬರೊಂದುಂಡು. ಗುಣಮಟ್ಟದ ಶಿಕ್ಷಣೊಡು ಬಾರೀ ಪುಗಾರ್ತೆ ಪಡೆದಿನ ಈ ಶಾಲೆಡ್ ಮಲ್ಲ ಮಲ್ಲ ದಿಗ್ಗಜೆರ್ ಕಲ್ತ್ ಶಾಲೆಗ್ ಪುದರ್ ಕನದೆರ್. ಈ ಸಲ ನಿರ್ಮಲಾ ಮೇರ್ 601(96.91%) ಅಂಚೆನೆ ಬಸವರಾಜ್ ಮೇರ್ 581(92.96%) ಮಾರ್ಕ್ ದೆತೊಂದು ಶಾಲೆಗ್ ಎಡ್ಡೆ ಪುದರ್ ಕನದೆರ್ ಪನ್ದ್ ಶಾಲೆದ ಮುಖ್ಯಶಿಕ್ಷಕಿಯಾಯಿನ ಶ್ರೀಮತಿ ಜಯಲಕ್ಷ್ಮೀ ಟಿ.ನಾಯಕ್ ಮೇರ್ ತೆರಿಪಾದೆರ್.
ಸರಕಾರಿ ಶಾಲೆಯಾಂಡಲಾ ಒವ್ವೇ ಖಾಸಗಿ ಶಾಲೆಲೆಗ್ ಎದುರಾದ್ ಉಂತುನಾತ್ ಎಡ್ಡೆಂತಿನ ಮೂಲಭೂತ ಸೌಕರ್ಯ ಉಪ್ಪುನ ಈ ಶಾಲೆಡ್ ಜೋಕುಲೆಗ್ ಬೋಡಾಪಿನಲೆಕ್ಕ ಮಸ್ತ್ ತೆರಿದಿನ ಶಿಕ್ಷಕೆರ್ ಕಲ್ಪಾವೊಂದುಲ್ಲೆರ್. ಕನ್ನಡ ಮೀಡಿಯಂ ಆಂಡಲಾ ಜೋಕುಲೆಗ್ ಆಧುನಿಕ ಜಗತ್ತ್ ಗ್ ಬೋಡಾಪಿನ ಮಾತಾ ರೀತಿನ ತರಬೇತಿ, ಇಂಗ್ಲೀಷ್ ತರಬೇತಿಲೆನ್ ಕೊರೊಂದು ಮುಲ್ಕಿ ತಾಲೂಕುಡೇ ಒಂಜಿ ಮಾದರಿ ಶಾಲೆ ಆದ್ ಕಾರ್ನಾಡ್ ದ ಈ ಶಾಲೆ ಉಂಡು.