Last updated on May 29th, 2025 at 01:23 pm
ಹಾಸನ, ಮೇ 29: ಇಂಚಿಪೊಗು ಹಾರ್ಟ್ ಅಟ್ಯಾಕ್‌ಡ್ ತೀರೊಂದುಪ್ಪುನಕಲೆನ ಸಂಖ್ಯೆ ದಿನೊರ್ದು ದಿನ ಎಚ್ಚ ಆವೊಂದೇ ಉಂಡು. ಇತ್ತೆ ತುಳುನಾಡ ಬರಿತ ಜಿಲ್ಲೆ ಹಾಸನಡ್ ಫೈನಲ್ ಡಿಗ್ರೀ ಕಲ್ತೊಂದಿತ್ತಿನ ಪೊಣ್ಣು ಹಾರ್ಟ್ ಅಟ್ಯಾಕ್‌ ಆದ್ ತೀರ್ದಿನ ನಡಕೆ ಕೆಲವತ್ತಿ ಗ್ರಾಮೊಡು ನಡತ್‌ದ್ಂಡ್.
ಕೆಲವತ್ತಿ ಗ್ರಾಮೊದ ಪಾಪಣ್ಣೆ ಬೊಕ್ಕ ಗಾಯತ್ರಿ ದಂಪತಿಲೆನ ಮಗಲ್ ಕವನ ಕೆ.ವಿ (21) ತೀರ್ದಿನ ಪೊಣ್ಣು. ಕವನ ಹಾಸನ ಪೇಂಟೆದ ಎಂ.ಜಿ ರೋಡ್‌ಡುಪ್ಪುನ ಸರ್ಕಾರಿ ಮಹಿಳಾ ಪ್ರಥಮ ದರ್ಜೆ ಕಾಲೇಜ್‌ಡ್ ಅಕೇರಿದ ವರ್ಸೊದ ಬಿ.ಕಾಂ ಕಲ್ತೊಂದಿತ್ತಲ್. ಮೂಜಿ ವಿಷಯೊಲೆನ ಪರೀಕ್ಷೆ ಬರೆದಿತ್ತಿನ ಕವನ ನನಲಾ ಮೂಜಿ ಪರೀಕ್ಷೆಲೆನ್ ಬರೆಯೊಡಿತ್ತ್ಂಡ್. ಬಯ್ಯ ಇಲ್ಲಗ್ ನೀರ್ ಕನತಿನ ಕವನಗ್ ಒರಾನೆ ತಿಗಲೆ ಬೇನೆ ತೋಜಿದ್ ಬೈದ್ಂಡ್. ಈ ಪೊರ್ತುಡು ಕವನ ಅಪ್ಪೆಡ ಪರ್ಯೆರೆ ನೀರ್ ಕೇನ್ದಲ್. ಅಪ್ಪೆ ನೀರ್ ಕನತ್ ಕೊರ್ಪುನೆತ ಉಲಯಿ ಕವನ ಇಲ್ಲಡೇ ಕುಸ್ಕ್‌ದ್ ಬೂರ್ದಲ್.
ಅಪಗನೇ ಆಲೆನ ಅಪ್ಪೆಅಮ್ಮೆ ಹಾಸನದ ಪ್ರೈವೇಟ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಅಡೆ ಎತ್ತ್‌ನಗ ಕವನ ತೀರ್ದಿತ್ತಲ್.