Last updated on May 6th, 2025 at 05:41 pm
ಕಡಬ: ತನ್ನ ಇಲ್ಲದ ತೋಟಡ್ ತಾರಾಯಿ ದೆಪ್ಪೆರೆ ಮರಕ್ ಬರ್ತ್‌ದಿತ್ತಿನಾರ್ ಆಯ ತತ್ತ್‌ದ್ ತಿರ್ತ್ ಬೂರ್ದ್ ಗಾತಿದ ಗಡಿಕುಲಾದ್ ತೀರ್ದಿನ ನಡಕೆ ಕಡಬ ತಾಲೂಕು ಬಲ್ಯ ಗ್ರಾಮೊದ ಪಲ್ಲತಡ್ಕಡ್ ನಡತ್‌ದ್ಂಡ್.
ತೀರ್ದಿನಾರೆನ್ ದಿ। ಐತ್ತಪ್ಪ ಪೂಜಾರ್ಲೆನ ಮಗೆ ಉಮೇಶ್ ಪೂಜಾರಿ (46) ಪನ್ದ್ ಗುರ್ತ ಪತ್ತ್‌ದೆರ್.
ತಾರೆರ್ದ್ ಬೂರ್ದ್ ಪೆಟ್ಟಾದಿತ್ತಿನಾರೆನ್ ಕುಡ್ರದ ಆಸ್ಪತ್ರೆಗ್ ಲೆತೊಂದು ಪೋನಗ ಸಾದಿ ನಡುಟೇ ತೀರ್ದೆರ್ ಪನ್ದ್ ತೆರಿಪಾದೆರ್.
ಉಮೇಶ್ ಪೂಜಾರಿ ಮೇರ್ ಕೂಲಿ ಬೇಲೆ ಮಲ್ತೊಂದಿತ್ತ್‌ದ್, ಸಾಮಾಜಿಕ ಬೇಲೆಲೆಡ್ ಸಕ್ರಿಯೆರಾದಿತ್ತೆರ್. ಒಟ್ಟುಗು ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ದೇರಾಜೆ ಒಕ್ಕೂಟೊದ ಒತ್ತು ಗುರ್ಕಾರೆಲಾ ಆದಿತ್ತೆರ್.
ಮೇರ್ ಬೊಡೆದಿ, ಮಗಲ್ ಬೊಕ್ಕ ಮಗನ್ ಅಗತ್‌ದೆರ್.