Last updated on May 5th, 2025 at 03:31 pm
ಮೇ 04: ಭಾರತೊದ ಪರತಿರಿಟೇ ಕಡೀರ ಸರ್ತಿ ಭ್ರಷ್ಟಾಚಾರ ನಿಗ್ರಹ ದಳೊತ ಅಧಿಕಾರಿಲು ಒರಿ ಶಾಸಕನ್ ವಿಶೇಷ ನೆವನಡ್ ಕೈದ್ ಮಲ್ತ್‌ದೆರ್. ಭಾರತ್ ಅದಿವಾಸಿ ಪಾರ್ಟಿದ ಶಾಸಕೆ ಜೈಕ್ರಿಶ್ನ್ ಪಟೇಲ್ ಸದನೊಡು ಪ್ರಶ್ನೆ ಕೇನ್ಯೆರೆ ಮೂಜಿ ಪ್ರಶ್ನೆಗ್ 20 ಲಕ್ಷ ರೂ.ಲಂಚ ಗೆತೊನೊಂದಿತ್ತೆ ಪನ್ದ್ ಆರೋಪ ಇತ್ತ್‌ದ್, ಕೋಡೆ ಎಸಿಬಿ ಅಧಿಕಾರಿಲು ಆಯನ್ ವಶೊಕು ಗೆತೊಂದೆರ್.
ಈ ರೀತಿತ ಪ್ರಕರಣಡ್ ಒರಿ ಶಾಸಕನ್ ಅರೆಸ್ಟ್ ಭಲ್ತೊಂದುಪ್ಪುನ ಭಾರತೊದ ಪರತಿರಿಟೇ ಕಡೀರ ಪ್ರಕರಣ ಆದುಂಡು ಪನ್ದ್ ರಾಜಸ್ಥಾನೊದ ಎಸಿಬಿ ಮುಖ್ಯ ನಿರ್ದೇಶಕೆ ಪ್ರಕಾಶ್ ಮೆಹರ್ದ ತೆರಿಪಾದೆರ್.
ರಾಜಸ್ಥಾನೊದ ಬಾನಸ್ವರ ಜಿಲ್ಲೆದ ಬಗಿಡೋರ ಎಸ್‌ಟಿ ರಿಸರ್ವ್‌ಡ್ ಕ್ಷೇತ್ರೊರ್ದು ಜೈಕ್ರಿಶ್ನ್ ಪಟೇಲ್ ಅಜತ್ ಬತ್ತಿತ್ತೆರ್.
ಗಣಿಗಾರಿಕೆದ ಬಗೆಟ್ ಪ್ರಶ್ನೆ ಕೇನ್ಯೆರ 10 ಕೋಟಿ ರೂ. ಕೇನ್ದಿತ್ತಿನ ಶಾಸಕೆ, ಅಡ್ವಾನ್ಸ್ ಆದ್ 2.5 ಕೋಟಿ ರೂ. ಗೆತೊಂದಿತ್ತೆ. ಉಂದೆತ ಕಂತ್‌ಡ್ 20 ಲಕ್ಷ ರೂ. ಗೆತೊನುನಗ ಎಸಿಬಿ ಅಧಿಕಾರಿಲು ದಾಳಿ ಮಲ್ತ್‌ದ್ ಸಾಕ್ಷಿ ಸಮೇತ ಕೈದ್ ಮಲ್ತ್‌ದೆರ್.