Last updated on May 7th, 2025 at 05:51 am
ದೆಲ್ಲಿ: ಇಂಚಿಪ ಪಹಲ್ಗಾಮ್‌ಡ್ ನಡತಿನ ದಾಳಿದ ಪ್ಲಾನಿಂಗ್, ಡೈಲೆಕ್ಷನ್ ನಡತಿನ, ಪಾಕಿಸ್ತಾನ ಬೊಕ್ಕ ಪಾಕಿಸ್ತಾನ ಆಕ್ರಮಿತ ಕಾಶ್ಮೀರೊದ ಉಗ್ರೆರೆ ಕ್ಯಾಂಪ್‌ಲೆನ ಮಿತ್ತ್ ಭಾರತ ದಾಳಿ ಮಲ್ತ್‌ದ್ಂಡ್.
ಒಟ್ಟುಗು 9 ಟೆರರಿಸ್ಟ್ ಕ್ಯಾಂಪ್‌ಲೆನ್ ಪೊಡಿ ಮಲ್ತ್‌ದ್ಂಡ್.
ನಮ್ಮ ಕ್ರಮೊಕುಲು ಅಲತ್‌ದ್, ಗೆನ್ತ್‌ದ್ ಗೆತೊಂದಿನ, ಕೇಂದ್ರೀಕೃತ ಕ್ರಮೊಕುಲು ಅಂಚೆನೇ ನನ ಎಚ್ಚ ಆವಂದಿಲೆಕ ತೂವೊಂದ. ಒವ್ವೇ ಪಾಕಿಸ್ತಾನಿ ಮಿಲಿಟರಿ ಜಾಗೆಲೆನ್ ಈಡ್ ಮಲ್ದಿಜ. ಈಡ್‌ಲೆನ್ ಅಜಪುನ ಬೊಕ್ಕ ದಾಳಿ ಮಲ್ಪುನ ವಿಧಾನೊಡು ಭಾರತ ಬಾರೀ ಸಂಯಮೊನು ತೋಜಾದ್ಂಡ್ ಪನ್ದ್ ರಕ್ಷಣಾ ಸಚಿವಾರಲಯದ ಪ್ರಕಟಣೆ ತೆರಿಪಾದ್ಂಡ್.
25 ಭಾರತೀಯೆರ್ ಬೊಕ್ಕ ಒರಿ ನೇಪಾಳಿ ನಾಗರಿಕನ್ ಕೆರ್ತಿನ ಬರ್ಬರ ಪಹಲ್ಗಾಮ್ ಭಯೋತ್ಪಾದಕ ದಾಳಿದ ಬೆರಿಕ್ ಕ್ರಮೊಕುಲೆನ್ ಗೆತೊಂದ. ಈ ದಾಳಿಗ್ ನೆವನ ಆತಿನಕುಲೆಗ್ ತಿಕ್ಕೊಡಾಯಿನವು ತಿಕ್ಕೊಡೇ ಪನ್ಪಿ ಬದ್ಧತೆ ನಮಡ ಉಂಡು ಪನ್ದ್ ಪ್ರಕಟಣೆ ತೆರಿಪಾದ್ಂಡ್.
‘ಆಪರೇಷನ್ ಸಿಂಧೂರ್’ ದ ಬಗೆಟ್ ಇನಿ ಎಚ್ಚಿನ ಒಲವು ಕೊರ್ಪ ಪನ್ದ್ ಸಚಿವಾಲಯ ತೆರಿಪಾದ್ಂಡ್.
