ಸೀಸ್‌ಫೈರ್ ಉಲ್ಲಂಘನೆ ಮಲ್ತಿನ ಪಾಕಿಸ್ತಾನ; ಬೋಡಾಪಿನ ಕ್ರಮ ಗೆತೊನರೆ ಭಾರತೀಯ ಸೇನೆಗ್ ಸೂಚನೆ

Last updated on May 11th, 2025 at 08:35 am

ದೆಲ್ಲಿ, ಮೇ 11: ಭಾರತದೊಟ್ಟುಗು ಸೀಸ್‌ಫೈರ್‌ಗ್ ಒತ್ತೊಂದು ಕೆಲವೇ ಗಂಟೆ ಕರಿನೇ ಪಾಕಿಸ್ತಾನ ಡ್ರೋನ್ ದಾಳಿ  ಮಲ್ತ್‌ದ್ ಕೋಡೆ ರಾತ್ರೆ ಶೆಲ್ ದಾಳಿನ್ಲಾ ಕುಡ ಸುರು ಮಲ್ದ್ಂಡ್. ಗಡಿರಾಜ್ಯೊಲೆನ ಪಲು ಭಾಗೊಲೆಡ್ ಪಾಕಿಸ್ತಾನ ದಾಳಿ ಮಲ್ದ್ಂಡ್. ಆ ದಾಳಿಲೆನ್ ಭಾರತೀಯ ಸೇನೆ ವಿಫಲ ಮಲ್ದ್ಂಡ್. ಪಾಕಿಸ್ತಾನೊದ ದಾಳಿಗ್ ಸಮ ಉತ್ತರ ಕೊರ್ಯೆರ ಸೇನೆಗ್ ಸೂಚನೆ ಕೊರ್ತುಂಡು ಪನ್ದೊ ವಿದೇಶಾಂಗ ಕಾರ್ಯದರ್ಶಿ ವಿಕ್ರಮ್ ಮಿಸ್ರಿ ಸುದ್ದಿಗೋಷ್ಠಿಡ್ ಪನ್ತೆರ್.

ಮುರಾನಿರ್ದಿಂಚಿ ನಡತೊಂದುಪ್ಪುನ ಮಿಲಿಟರಿ ಕಾರ್ಯಾಚರಣೆನ್ ಉಂತಾಯೆರ ಭಾರತ ಬೊಕ್ಕ ಪಾಕಿಸ್ತಾನೊದ DGMO ಲೆನ ನಡುಟು ಕೋಡೆ ಬಯ್ಯಡ್ ಒಪ್ಪಂದ ನಡತ್ಂಡ್. ಆಂಡ ಅವು ಆದ್ ಒಂತೆ ಪೊರ್ತುಡೇ ಪಾಕ್ ಈ ಒಪ್ಪಂದೊನು ಕಡಿತೊಂದುಂಡು ಪನ್ದ್ ಪನ್ಡೆರ್.

ಒಪ್ಪಂದೊಗು ಒತ್ತೊಂದು ಒಂತೆ ಪೊರ್ತುಡೇ ಕಾಶ್ಮೀರಡ್ ಡ್ರೋನ್‌ಲ್ ತೋಜಿದಿತ್ತ್‌ದ್ ಸ್ಫೋಟದ ಶಬ್ದಲಾ ಕೇನ್ದ್ಂಡ್, ಈ ಡ್ರೋನ್‌ಲೆನ್ ಭಾರತೊದ ವಾಯು ರಕ್ಷಣಾ ವ್ಯವಸ್ಥೆ ಪೊಡಿ ಮಲ್ದ್ಂಡ್.