Last updated on May 28th, 2025 at 07:31 pm
ಕುಡ್ಲ, ಮೇ. 28: ಲೇಸ್ ಒಂಜೆತ ಫೋಟೊಗ್ರಾಫಿಗ್ ಕಾರ್‌ಡ್ ಪೋವೊಂದಿತ್ತಿನ ಫೋಟೊಗ್ರಾಫರ್‌ನ ಕಾರ್ ಅಂಕೆ ತತ್ತ್‌ದ್ ಪೆರ್ಸಾದಿದ ಬರಿತ ತೋಡುಗು ಕಬ್ಬೆ ಬೂರ್ದಿನ ನಡಕೆ ಇನಿ ಕಾಂಡೆ ನಡತ್‌ದ್ಂಡ್.
ಕಾರ್ ಬುಡೊಂದಿತ್ತಿನ ಫೋಟೊಗ್ರಾಫರ್ ಸೂರ್ಯ ನಾರಾಯಣೆ (48) ತೀರ್ದಿನಾರ್.
ಸೂರ್ಯನಾರಾಯಣೆ ಮೇರ್ ಪಣಂಬೂರು ಕೈತಲ್ದ ನಂದೀಕೇಶ್ವರ ದೇಲಂತಡೆಡ್ ನಡಪುನ ಲೇಸ್‌ದ ಫೋಟೊಗ್ರಾಫಿಗ್ ಪನ್ದ್ ತನ್ನ ಕಾರ್‌ಡ್ ಪಿದಡ್ದಿತ್ತೆರ್. ಕುಡ್ಲ-ಒಡಿಪು ರಾಷ್ಟ್ರೀಯ ಪೆರ್ಸಾದಿದ ನಡುಟು ಕೋಡಿಕಲ್ ಕ್ರಾಸ್‌ದಲ್ಪ ತನ್ನ ಕಾರ್‌ದ ಅಂಕೆ ತತ್ತ್‌ದ್ ತೋಡುಗು ಬೂರ್ದೆರ್. ಈ ಪೊರ್ತುಡು ಮುಟ್ಟದಕುಲು ಪೆಟ್ಟಾತಿನ ಸೂರ್ಯ ನಾರಾಯಣೆರೆನ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಂಡ ಆರ್ ಆಸ್ಪತ್ರೆಗ್ ಲೆತೊಂದು ಪೋಪುನ ಸಾದಿದ ನಡುಟೇ ತೀರ್ದೆರ್.
ಸೂರ್ಯನಾರಾಯಣೆ ಮೇರ್ ಒಂತೆ ವರ್ಸೊರ್ದಿಂಚಿ ಒಡಿಪುದ ಕಿದಿಯೂರು ವರ್ಣ ಲ್ಯಾಬ್‌ಡ್ ಬೇಲೆ ಮಲ್ತೊಂದಿತ್ತೆರ್. ಇಂಚಿಪ್ಪೊಗಾತೆ ಆರ್ ಕಾಸ್ರೋಡ್ ಜಿಲ್ಲೆದ ಉಪ್ಪಳಡ್ ಸ್ವಂತ ಫೋಟೊಗ್ರಾಫಿ ಸ್ಟೂಡಿಯೋ ಸುರು ಮಲ್ತಿತ್ತೆರ್. ಒಡಿಪುಡು ಮಾತೆರೆಡಲಾ ಎಡ್ಡೆಡ್ ಇತ್ತಿನ ಸೂರ್ಯನಾರಯಣೆರೆನ್ ಸೂರ್ಯ ಪನ್ದೇ ಲೆಪ್ಪೆದೆರ್.