ಟೆಸ್ಟ್ ಕ್ರಿಕೆಟ್‌ರ್ದ್ ಅಗತಿನ ‘ಹಿಟ್‌ಮ್ಯಾನ್’ ರೋಹಿತ್ ಶರ್ಮಾ

Last updated on May 8th, 2025 at 01:52 pm

ಮುಂಬೈ, ಮೇ. 08: ಟೀಮ್ ಇಂಡಿಯಾದ ಸ್ಟಾರ್ ಪ್ಲೇಯರ್ ರೋಹಿತ್ ಶರ್ಮಾ ಟೆಸ್ಟ್ ಕ್ರಿಕೆಟ್‌ಗ್ ನಿವೃತ್ತಿ ಘೋಷಣೆ ಮಲ್ದೆರ್. ಬುಧವಾರ ತನ್ನ ಇನ್‌ಸ್ಟಾಗ್ರಾಮ್ ಅಕೌಂಟ್‌ಡ್ ಪೋಸ್ಟ್‌ ಒಂಜೆನ್ ಪಟ್ಟೊನುನ ಮುಕೇನ ಅಗಪುನ ಘೋಷಣೆ ಮಲ್ತಿತ್ತ್‌ದ್, ಏಕದಿನ ಕ್ರಿಕೆಟ್ ಮಾತ್ರ ಗೊಬ್ಬುವೆ ಪನ್ದ್ ತೆರಿಪಾದೆರ್. ಕರಿನ ವರ್ಸ, 2024ಟ್ ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ರ್ದ್‌ಲಾ ಪಿದಯಿ ಬತ್ತಿತ್ತೆರ್.

ರೋಹಿತ್ ಶರ್ಮಾ18 ವರ್ಸೊದ ತನ್ನ ಕ್ರಿಕೆಟ್ ಜೂವನೊಡು ಒಟ್ಟು 67 ಟೆಸ್ಟ್‌‌ಲೆಡ್ 12 ಶತಕೊಲು ಬೊಕ್ಕ 18 ಅರ್ಧಶತಕೊಲು ಸೇರ್ದ್, 40.57 ರನ್‌ರೇಟ್‌‌ಡ್ 4301 ರನ್ ಒಟ್ಟು ಮಲ್ದೆರ್.

ಮಾತೆರೆಗ್ಲಾ ನಮಸ್ಕಾರ, ಯಾನ್ ಟೆಸ್ಟ್ ಕ್ರಿಕೆಟ್‌ರ್ದ್ ಅಗತೊಂದುಲ್ಲೆ, ಬೊಲ್ದು ರಂಗ್‌ದ ಜೆರ್ಸಿಡ್ ಭಾರತೊನು ಪ್ರತಿನಿಧಿತಿನವು ಎಂಕ್ ಪೆರ್ಮೆದ ಸಂಗತಿ. ಈತ್ ವರ್ಸ ಮೋಕೆ ಬೊಕ್ಕ ಬೆರಿತಾಂಗ್ ಕೊರ್ನ ಮಾತೆರೆಗ್ಲಾ ಸೊಲ್ಮೆಲು. ಏಕದಿನ ಕ್ರಿಕೆಟ್‌ಡ್ ಭಾರತೊದ ಪರವಾದ್ ಗೊಬ್ಬುವೆ ಪನ್ದ್ ಬರೆಯೊಂದೆರ್.