Last updated on May 14th, 2025 at 10:53 am
ಕುಡ್ಲ, ಮೇ. 14: ಸೀಟ್‌ಗಾದ್ ನಡತಿನ ಲಡಯಿಡ್ ರೈಲ್‌ದ ಎಮರ್ಜೆನ್ಸಿ ಸಂಕೊಲೆನ್ ಒಯ್ತಿನ ಪ್ರಯಾಣಿಕಗ್ ರೈಲ್ವೆ ರಕ್ಷಣಾ ಪಡೆ (ಆರ್‌ಪಿಎಫ್) 1,500 ರೂ. ದಂಡ ಪಾಡ್ದ್ಂಡ್.
ಅಂಗಾರೆ ಸುಬ್ರಹ್ಮಣ್ಯರ್ದ್ ಪಿದಡ್ದಿನ ಪ್ಯಾಸೆಂಜರ್ ರೈಲ್‌ಡ್ ಈ ನಡಕೆ ನಡತ್‌ದ್ಂಡ್. ರೈಲ್‌ಡ್ ಜನ ದಿಂಜಿದುಪ್ಪುನಗ, ಬಂಟ್ವಾಳ ದ ಕೈತಲ್ ಸೀಟ್‌ಗ್ ಬೋಡಾದ್ ಇರ್ವೆರ್ ಪ್ರಯಾಣಿಕೆರೆ ನಡುಟು ಲಡಯಿ ಆತ್ಂಡ್. ಪಿಸ್‌ರ್‌ಡ್, ಪ್ರಯಾಣಿಕೆರೆಡ್ ಒರಿ ಎಮರ್ಜೆನ್ಸಿ ಚೈನ್‌ನ್ ಒಯ್ತ್‌ದ್ ರೈಲ್‌ಬಂಡಿನ್ ಉಂತಾದೆರ್.
ರೈಲ್ವೆ ಅಧಿಕಾರಿಲು ರಪಕ್ಕ ಬತ್ತ್‌ದ್ ನಡಕೆದ ಒಲವು ಗೆತೊಂಡೆರ್. ಕುಡ್ಲ ಜಂಕ್ಷನ್ ಎತ್ತಿನೇ, ಆರ್‌ಪಿಎಫ್ ಅಧಿಕಾರಿಲು ಚೈನ್ ಒಯ್ತಿನ ಜನನ್ ಗುರ್ತ ಪತ್ತ್‌ದ್, ವಿಚಾರಣೆ ಮಲ್ತ್‌ದ್, 1,500 ರೂ. ದಂಡ ಪಾಡ್ದ್, ನನೊರ ಇಂಚ ಮಲ್ಪಂದಿಲೆಕ ಎಚ್ಚರ್ಗೆ ಕೊರ್ತೆರ್.