Last updated on May 14th, 2025 at 08:00 am
ಬೆಂಗಳೂರ್, ಮೇ 14: ಬೆಂಗಳೂರ್ದ ಜವನೆ ಒರಿ ಪ್ರಧಾನಿ ನರೇಂದ್ರ ಮೋದಿಯೆರೆನ ಇಲ್ಲದ ಮಿತ್ತ್ ಬಾಂಬ್ ಪಾಡೊಡು ಪನ್ದ್ ಪ್ರಚೋದನಕಾರಿ ಪಾತೆರ ಪನ್ತಿನ ಆರೋಪದ ಮಿತ್ತ್ ಪೊಲೀಸೆರ್ ಕೈದ್ ಮಲ್ತ್ದೆರ್. ನವಾಜ್ ಪನ್ಪಿನ ಜವನೆ ಸೋಶಿಯಲ್ ಮೀಡಿಯಾಡ್ ತನ್ನ ವಿಡಿಯೋ ಪೋಸ್ಟ್ ಮಲ್ತಿತ್ತೆ. ಉಂದೆಟ್ ಮೋದಿನ ಇಲ್ಲಡೆ ಬಾಂಬ್ ಪಾಡೊಡುನ್ದ್ ಮಾತಾ ಪನ್ತೆ. ಈ ವಿಡಿಯೋ ವೈರಲ್ ಆಯೆನೇ ಬಂಡೆಪಾಳ್ಯ ಪೊಲೀಸೆರ್ ನವಾಜ್ನ್ ಕೈದ್ ಮಲ್ತ್ದೆರ್. ಆಯನ ಮಿತ್ತ್ ಕೇಸ್ ಪಾಡ್ದಿನ ಪೊಲೀಸೆರ್ ಪರಪ್ಪನ ಅಗ್ರಹಾರ ಜೈಲ್ಡ್ ಕುಲ್ಲಾದೆರ್.
ಭಾರತ-ಪಾಕಿಸ್ತಾನ್ ನಡುವಿನ ಸಂಘರ್ಷೊಡು ದಾಯೆ ಮೋದಿನ ಇಲ್ಲಡೆ ಬಾಂಬ್ ಬೂರ್ದಿಜಿ? ಮನಿಪಂದೆ ಇಪ್ಪುನ ಜನನ್ ಹಾಳ್ ಮಲ್ತೊಂದುಪ್ಪುನ ಮೋದಿ. ಫಸ್ಟ್ ಮೋದಿನ ಇಲ್ಲಡೆ ಬಾಂಬ್ ಪಾಡ್ಲೆ ಪನ್ದ್ ನವಾಜ್ ವಿಡಿಯೋಡ್ ವಾರ್ನಿಂಗ್ ಕೊರ್ತೆ. ಈ ವಿಡಿಯೋನ್ ತೂಯಿನ ಪಾಕ ಜನ ಬೆಂಗಳೂರು ಪೊಲೀಸೆರೆನ್ ಟ್ಯಾಗ್ ಮಲ್ತ್ದ್ ಕ್ರಮ ಗೆತೊನರೆ ಆಗ್ರಹ ಮಲ್ತಿತ್ತೆರ್. ಆ ಪ್ರಕಾರ ಪೊಲೀಸೆರ್ ನವಾಜ್ನ್ ಕೈದ್ ಮಲ್ತ್ದೆರ್.