Last updated on May 15th, 2025 at 11:38 am
ಒಡಿಪು, ಮೇ. 15: ತೆಕ್ಕಟ್ಟೆ ಗ್ರಾಮೊಡು ಒಂದೇ ಇಲ್ಲದ ಮೂವೆರ್ ಆತ್ಮಹತ್ಯೆಗ್ ಪುನೆದಿತ್ತ್ದ್, ಇರ್ವೆರ್ ತೀರ್ದಿನ ನಡಕೆ ಗುರುವಾರ ನಡತ್ದ್ಂಡ್.
ಅಂಕದಕಟ್ಟೆ ಪೆಟ್ರೋಲ್ ಬಂಕ್ಡ್ ಬೇಲೆ ಮಲ್ತೊಂದಿತ್ತಿನ ಮಾಧವ ದೇವಾಡಿಗ(56) ಬೊಕ್ಕ ಆರೆನ ಮಗೆ ಪ್ರಸಾದ್ ದೇವಾಡಿಗ (22) ತೀರ್ದಿನಕುಲು. ಅಪ್ಪೆನ ಪರಿಸ್ಥಿತಿ ಗಂಭೀರ ಆದುಂಡು. ಕಂಚುಗಾರೆಬೊಟ್ಟು ನಿವಾಸಿ, ತಾರಾ ದೇವಾಡಿಗ ಮೆರೆನ್ ಮುಟ್ಟದ ಆಸ್ಪತ್ರೆಗ್ ದಾಕಲ್ತ್ದೆರ್.
ಕುಂದಾಪುರದ ಅಗ್ನಿಶಾಮಕ ದಳೊದ ಸಿಬ್ಬಂದಿಲು ಜಾಗೆಗ್ ಬತ್ತ್ದ್ ಪುನ ಮಿತ್ತ್ ದೇರ್ತ್ದೆರ್. ಕೋಟ ಪೊಲೀಸ್ ಸ್ಟೇಶನ್ದ ಠಾಣಾಧಿಕಾರಿ ರಾಘವೇಂದ್ರೆರ್ ಬೊಕ್ಕ ಸಿಬ್ಬಂದಿಲು ಪರಿಶೀಲನೆ ಮಲ್ತ್ದ ಪ್ರಕರಣ ದಾಕಲ್ತೊಂದೆರ್.
ಕಂಡನೆ ಬೊಕ್ಕ ಮಗೆ ಆತ್ಮಹತ್ಯೆ ಮಲ್ತೊಂದಿನ ತೆರಿದ್ ಬೊಡೆದಿ, ತಾರಾ ದೇವಾಡಿಗ ಮೇರ್ಲಾ ಉಗ್ಗೆಲ್ಗ್ ಲಾಗಿದಿತ್ತ್ದ್, ಆರೆನ ಬುಲಿಪು ಕೇನ್ದ್ ಅಲ್ಪದಕುಲಾಯಿನ ಸಂತೋಷ್ ಶೆಟ್ಟಿ, ಶ್ರೀನಾಥ್ ಶೆಟ್ಟಿ ಅಂಚೆನೇ ಮುಟ್ಟದಕುಲು ಬದ್ಕಾಯೆರ ಬತ್ತ್ದೆರ್. ಇಲ್ಲಡ್ ಡೆತ್ ನೋಟ್ ತಿಕ್ಕ್ದಿತ್ತ್ದ್ ಪಾಕ ಕಡ ಇತ್ತ್ದ್ ಮರ್ಯಾದಿಗ್ ಪೋಡಿದ್ ಆತ್ಮಹತ್ಯೆ ಮಲ್ತೊಂದೆರ್ ಪನ್ದ್ ಪನೊಂದುಲ್ಲೆರ್.