Last updated on May 3rd, 2025 at 05:14 pm
ಕುಡ್ಲ, ಮೇ 02: ಹಿಂದೂ ಕಾರ್ಯಕರ್ತೆ ಸುಹಾಸ್ ಶೆಟ್ಟಿನ್ ಕೆರ್ತಿನ ಪ್ರಕರಣೊಗು ಸಂಬಂದಿತ್ದ್ ಹಿಂದೂ ಕಾರ್ಯಕರ್ತೆರೆಡ್ ಭಾರಿ ಆಕ್ರೋಶಗ್ ನೆವನ ಆತ್ಂಡ್. ಅಂಚಾದ್ ಹಿಂದೂ ಕಾರ್ಯಕರ್ತೆ ಸುಹಾಸ್ನ್ ಕೆರ್ತಿನೆನ್ ಖಂಡಿತ್ದ್ ಮೇ-2 ಕ್ ದಕ್ಷಿಣ ಕನ್ನಡ ಬಂದ್ಗ್ ವಿಶ್ವಹಿಂದೂ ಪರಿಷತ್ ಲೆಪ್ಪು ಕೊರ್ತುಂಡು.
ಫಾಜಿಲ್ ಪನ್ಪಿನಾಯನ್ ಕೆರ್ತಿನ ಪ್ರಕರಣೊಡು ಪ್ರಮುಖ ಆರೋಪಿ ಆದಿತ್ತಿನ ಸುಹಾಸ್ ಶೆಟ್ಟಿನ್ ಬಜ್ಪೆ ಕಿನ್ನಿಪದವುದಲ್ಪ ಸಾರ್ವಜನಿಕ ಜಾಗೆಡೇ ತಲ್ವಾರ್ಡ್ ಕಡ್ತ್ದ್ ಕೆರ್ತೆರ್.
ಸುಹಾಸ್ ಶೆಟ್ಟಿನ್ ಕೆರ್ತಿನ ವಿಷಯ ತೆರಿಲೆಕಾನೆ ಎಜೆ ಆಸ್ಪತ್ರೆಗ್ ಶಾಸಕೆ ವೇದವ್ಯಾಸ ಕಾಮತೆರ್ ಬತ್ತ್ದೆರ್, ಒಟ್ಟುಗು ಪಾಕ ಜನ ಹಿಂದೂ ಕಾರ್ಯಕರ್ತೆರ್ ಬತ್ತ್ದ್ ಸೇರ್ದಿತ್ತೆರ್. ಅಂಚಾದ್ ದುಂಬೆಚ್ಚರ್ಗೆದ ಕ್ರಮ ಆದ್ ಪೋಲೀಸೆರ್ ಸೆಕ್ಯೂರಿಟಿ ಟೈಟ್ ಮಲ್ದೆರ್.
ಇತ್ತೆ ಹಿಂದೂ ಕಾರ್ಯಕರ್ತೆ ಸುಹಾಸ್ನ್ ಕೆರ್ತಿನೆನ್ ಖಂಡಿತ್ದ್ ಮೇ-2 ಕ್ ದಕ್ಷಿಣ ಕನ್ನಡ ಬಂದ್ಗ್ ವಿಶ್ವಹಿಂದೂ ಪರಿಷತ್ ಲೆಪ್ಪು ಕೊರ್ತುಂಡು.
ಪೊಲೀಸ್ ಇಲಾಖೆ ಜಿಲ್ಲೆಡೊರ್ಮೆ ನಾಕಾಬಂದಿ ಮಲ್ತಿತ್ತ್ದ್, ಪೊಲೀಸ್ ಬಂದೋಬಸ್ತ್ ಮಲ್ದ್ಂಡ್. ಎಚ್ಟಿನ ಕಾಪುಗು ಬೇತೆ ಜಿಲ್ಲೆಲೆರ್ದ್ ಪೊಲೀಸ್ ಸಿಬ್ಬಂದಿಲೆನ್ ಜಿಲ್ಲೆಗ್ ಲೆಪ್ಪುಡಾದೆರ್.