Last updated on May 14th, 2025 at 12:41 pm
ಒಡಿಪು ಮೇ 14: ರಾತ್ರೆ ದೊರಿನ ಭಾರೀ ಗಾಳಿ ಬರ್ಸೊಗು ಮರತ ಗೆಲ್ಲ್ ಒಂಜಿ ಕರೆಂಟ್ ಕುಂದೊದ ಮಿತ್ತ್ ಬೂರ್ದಿನೆರ್ದಾವರ ಕರೆಂಟ್ ವಯರ್ ಕೊಲ್ತ್‌ದ್ ಟೂವೀಲರ್‌ಡ್ ಪೋವೊಂದಿತ್ತಿನ ಯುವ ಯಕ್ಷಗಾನ ಕಲಾವಿದೆ ರಂಜಿತ್ ಬನ್ನಾಡಿ ತೀರ್ದಿನ ನಡಕೆ ಅಂಗಾರೆ ರಾತ್ರೆ ನಡತ್‌ದ್ಂಡ್.
ಕೊಪ್ಪಗ್ ಮುಟ್ಟಡ್ ಇತ್ತಿನ ಸೂರಾಲ್ ಮೇಳೊದ ಆಟ ಬರ್ಸೊರ್ದಾವರ ಉಂತಿನೆರ್ದಾವರ ಇಲ್ಲಗ್ ಪಿರ ಬರೊಂದುಪ್ಪುನಗ ಆಗುಂಬೆ ದಲ್ಪ ಗಾಳಿ ಬರ್ಸೊಗು ಮರತ ಗೆಲ್ಲ್ ಪೊಲಿದ್, ಕರೆಂಟ್ ವಯರ್ ಮೆಯಿತ ಮಿತ್ತ್ ಬೂರೀನೆರ್ದಾವರ ಟೂವೀಲರ್ ಬುಡೊಂದಿತ್ತಿನ ರಂಜಿತ್‌ಗ್ ಕರೆಂಟ್ ಶಾಕ್ ಆಕ್‌ದ್ಂಡ್. ಮುಟ್ಟದಕ್ಲೆನ ಸಕಾಯೊಡು, ಗಾಡಿಡ್ ಪಿರವು ಕುಲ್ದಿತ್ತಿನ ಸ್ತ್ರೀ ಪಾತ್ರಧಾರಿ ವಿನೋದ್ ರಾಜ್ ಪನ್ಪಿನಾರ್ ಬಚಾವಾತೆರ್.
ನಡಕೆ ನಡತಿನೆಟ್ಟಿಗೇ ಅಲ್ಪದಕ್ಲೆನ ಸಕಾಯೊಡು ಮಣಿಪಾಲ ಪ್ರೈವೇಟ್ ಅಸ್ಪತ್ರೆಗ್ ಲೆತೊಂದು ಬತ್ತ್ಂಡಲಾ, ಅಡೆ ಎತ್ಯೆರಾನಗ ತೀರ್ದಿತ್ತೆರ್ ಪನ್ದ್ ತೆರಿದ್ ಬೈದ್ಂಡ್.