Last updated on June 17th, 2025 at 10:55 am
ಕುಡ್ಲ, ಜೂ. 17: ಇಲ್ಲಡ್ ಅಮ್ಮೆ ಒಯ್ತ್ದ್ ದಕ್ಕಿನ ಬೀಡಿದ ಕಡೆ ನಿಂಗ್ದ್ ಉಸಾರ್ ತತ್ತ್ದ್ ಇತ್ತಿನ 10 ತಿಂಗೊಲ್ದ ಬಾಲೆ ಮರ್ದ್ ಪಲಿಪಂದೆ ಆಸ್ಪತ್ರೆಡ್ ತೀರ್ದಿನ ನಡಕೆ ಅಡ್ಯಾರ್ಡ್ ನಡತ್ದ್ಂಡ್.
ಬಿಹಾರ ಮೂಲೊದ ದಂಪತಿಲೆನ 10 ತಿಂಗೊಲ್ದ ಬಾಲೆ ಅನೀಶ್ಕುಮಾರ್ ತೀರ್ದಿನ ಬಾಲೆ.
ಜೂನ್ 14ತ ಮಧ್ಯಾಹ್ನ 1:30 ತ ಅಂದಾಜಿಗ್ ಈ ನಡಕೆ ನಡತ್ದ್ಂಡ್. ಬಾಲೆನ್ 3:30 ತ ಅಂದಾಜಿಗ್ ವೆನ್ಲಾಕ್ ಆಸ್ಪತ್ರೆಗ್ ದಾಕಲ್ತ್ದಿತ್ತ್ದ್, ಬೈದ್ಯೆರ್ ಮರ್ದ್ ಕೊರ್ತೆರ್. ಆಂಡ ಬಾಲೆ ಮರ್ದ್ ಪಲಿಪಂದೆ ಜೂನ್ 15ತ ಕಾಂಡೆ 10:25 ತ ಪೊರ್ತುಗು ತೀರ್ದ್ಂಡ್.
“ತನ್ನ ಕಂಡನ್ಯನ ಗೋಸ್ಮರಿರ್ದೇ ಬೀಡಿದ ಕಡೆ ನಿಂಗ್ದ್ ಉಸಾರ್ ತತ್ತ್ದ್ ಬಾಲೆ ತೀರ್ದ್ಂಡ್. ಇಲ್ಲದುಲಯಿ ಬೀಡಿ ಒಯ್ತ್ದ್ ದಕ್ಕೊರ್ಚಿ ಪನ್ದ್ ಪಾಕ ಸರ್ತಿ ಕಂಡನ್ಯಗ್ ಪನ್ಡಲಾ, ಗೋಸ್ಮರಿ ಮಲ್ತಿನೆರ್ದಾವರ ಬಾಲೆದ ಪೆರಣ ಪೋತುಂಡು” ಪನ್ದ್ ಅಪ್ಪೆ ಒಯಿಲ್ ಕೊರ್ತೆರ್ ಪನ್ದ್ ವರದಿ ಆತ್ಂಡ್.