Last updated on June 17th, 2025 at 08:35 am
ಕಾಸ್ರೋಡ್, ಜೂ. 17: ಪಾ‌ಸಾಡಿಲೆ ಒಟ್ಟುಗು ಗೊಬ್ಬೊಂದಿತ್ತಿನ ಎಣ್ಮ ವರ್ಸ ಪ್ರಾಯೊದ ಪೊಣ್ಣು ಬಾಲೆ ನೀರ್ ದಿಂಜಿನ ಗುಂಡಿಗ್ ಬೂರ್ದ್ ತೀರ್ದಿನ ನಡಕೆ ಸೋಮವಾರ ಬಯ್ಯಡ್ ಬಾಡೂರು ಮುಟ್ಟದ ಓಣಿಬಾಕಿಲ್ ಪನ್ಪಿನಲ್ಪ ನಡತ್ದ್ಂಡ್.
ಓಣಿಬಾಕಿಲ್‌ದ ಮುಹಮ್ಮದ್ – ಖದೀಜತ್ ಕುಬ್ರಾ ದಂಪತಿಲೆನ ಮಗಲ್ ಫಾತಿಮಾ ಹಿಬಾ ತೀರ್ದಿನ ಪೊಣ್ಣು.
ಕೋಡೆ ಬಯ್ಯ 5 ಗಂಟೆದ ಅಂದಾಜಿಗ್ ಈ ನಡಕೆ ನಡತ್ದ್ಂಡ್. ಪಾಸಾಡಿಲೆನ ಒಟ್ಟುಗು ಗೊಬ್ಬೊಂದುಪ್ಪುನಗ ಆಕಸ್ಮಿಕವಾದ್ ಬಾಲೆ ಗುಂಡಿಗ್ ಬೂರ್ದಲ್. ಒಟ್ಟುಗಿತ್ತಿನ ಜೋಕುಲೆನ ಬೊಬ್ಬೆ ಕೇನ್ದ್ ಇಲ್ಲದಕುಲು ಅಂಚೆನೇ ಮುಟ್ಟದಕುಲು ಬತ್ತ್‌ದ್ ಬಾಲೆನ್ ಮಿತ್ತ್ ದೇರ್ತ್‌ದ್ ಕುಂಬ್ಳೆದ ಆಸ್ಪತ್ರೆಗ್ ಲೆತೊಂದು ಪೋಂಡಲಾ ಜೂವ ಒರಿತೊನರೆ ಆತಿಜಿ.
ಪೊಣ್ಣು ಬಾಡೂರು ಪದವು ಎ. ಎಲ್. ಪಿ ಶಾಲೆಡ್ ಮೂಜನೇ ಕ್ಲಾಸ್ ಕಲ್ತೊಂದಿತ್ತಲ್.