Last updated on June 12th, 2025 at 02:36 pm
ಅಹಮದಾಬಾದ್, ಜೂನ್ 12: ಟೇಕ್ ಆಫ್ ಆತಿನ ಬೆರಿಟೇ ಏರ್ ಇಂಡಿಯಾ ವಿಮಾನ ಬೂರ್ದಿನ ನಡಕೆ ಗುಜರಾತ್‌ದ ಅಹಮದಾಬಾದ್‌ಡ್ (Ahmedabad Plane Crash) ನಡತ್‌ದ್ಂಡ್. ಅಹಮದಾಬಾದ್ ವಿಮಾನ ಉಂತಡೆದ ಕೈತಲೇ 242 ಪ್ರಯಾಣಿಕೆರ್ ಇತ್ತಿನ ಏರ್ ಇಂಡಿಯಾ ವಿಮಾನ ಬೂರ್ದಿತ್ತ್‌ದ್, ಪಾಕ ಜೂವ ಪೋದುಪ್ಪುನ ಸಾಧ್ಯತೆ ಉಂಡು. ಆಂಡ, ಏತ್ ಜನ ತೀರ್ದೆರ್, ಏತ್ ಜನಕ್ ಪೆಟ್ಟಾತ್ಂಡ್ ಪನ್ಪಿ ಪತ್ತ ಒಲವು ನನಲ ತಿಕ್ಕ್‌ದಿಜಿ. ರಕ್ಷಣಾ ಕಾರ್ಯಾಚರಣೆ ನಡತ್ಂದುಂಡು.
ಇಂದು ಮಧ್ಯಾಹ್ನ ಗುಜರಾತ್‌ನ ಅಹಮದಾಬಾದ್‌ದ ಮೇಘನಿ ನಗರ ಪ್ರದೇಶೊಡು ಏರ್ ಇಂಡಿಯಾ ವಿಮಾನ ಉದುರ್‌ದ್ಂಡ್. ಅಹಮದಾಬಾದ್‌ದ ಸರ್ದಾರ್ ವಲ್ಲಭಭಾಯಿ ಪಟೇಲ್ ಅಂತಾರಾಷ್ಟ್ರೀಯ ವಿಮಾನ ಉಂತಡೆದ ಸುತ್ತುಮದೆಲ್‌ದ ಉಲಯಿರ್ದ್ ಕಪ್ಪು ಪುಗೆ ಲಕ್ಕೊಂದುಪ್ಪುನ ವಿಡಿಯೋ ಸಾಮಾಜಿಕ ಬಲೆತ್ತಾನೊಡು ತಿರ್ಗೊಂದುಂಡು. ಈ ವಿಮಾನ ಅಹಮದಾಬಾದ್ರ್ದ್ ಲಂಡನ್‌ಗ್ ಪೋವೊಂದಿತ್ತ್ಂಡ್. ವಿಮಾನಡ್ ಇತ್ತಿನಕಲೆನ್ ಒರಿಪಾವುನ ಕಾರ್ಯಾಚರಣೆ ನಡತೊಂದುಂಡು.
ಈ ವಿಮಾನ ಅಹಮದಾಬಾದ್ ವಿಮಾನ ಉಂತಡೆದ ಕೈತಲ್ದ ಜನೊಕುಲು ಇಪ್ಪುನ ಜಾಗೆದ ಮಿತ್ತೇ ಬೂರ್ದ್ಂಡ್. ಉಂದು ಬೋಯಿಂಗ್ 787 ಡ್ರೀಮ್‌ಲೈನರ್ ವಿಮಾನ.