Last updated on June 15th, 2025 at 06:02 pm
ಶಿವಮೊಗ್ಗ, ಜೂನ್ 15: ಕಾಂತಾರ ಚಾಪ್ಟರ್ 1 ಸಿನಿಮಾ ಶೂಟಿಂಗ್ ಸುರು ಮಲ್ತಿನಾನಿರ್ದಿಂಚಿ ದಾದಾಂಡಲಾ ದುರಂತೊಲು ನಡತೊಂದುಲ್ಲ. ಇತ್ತೆನೇ ಚಿತ್ರತಂಡೊದ ಮೂವೆರ್ ಕಲಾವಿದೆರ್ ತೀರ್ದಿತ್ತ್‌ದ್, ಕೋಡೆ ಶೂಟಿಂಗ್ ಮಲ್ಪುನಗ ಬೋಟ್ ಉಬ್ಬೆ ಬೂರ್ದ್, ಸಿನೆಮಾದ ಹೀರೋ ರಿಷಭ್ ಶೆಟ್ಟಿ ಸೇರ್ದ್ 30 ಕಲಾವಿದೆರ್ ಸೇಫ್ ಆತೆರ್.
ಇತ್ತೆ ಕಾಂತಾರ ಟೀಮ್‌ಗ್ ಕುಡೊಂಜಿ ಶಾಕ್ ಎದುರಾದಿತ್ತ್‌ದ್ ಶಿವಮೊಗ್ಗ ಜಿಲ್ಲಾ ಆಡಳಿತೊರ್ದು ಶೂಟಿಂಗ್‌ಗ್ ಅನು ಗೆತೊನಂದಿನೆರ್ದಾವರ ಶಿವಮೊಗ್ಗ ಜಿಲ್ಲಾಧಿಕಾರಿ ಗುರುದತ್ ಹೆಗಡೆರ್ ನೋಟಿಸ್ ಕೊರ್ದು ಉತ್ತರ ಕೊರ್ಯೆರೆ ಪನ್ತೆರ್.
ಸ್ಥಳೀಯ ಆಡಳಿತೊದ ಅನು ಗೆತೊನಂದೆ ಕಾಂತಾರ ಸಿನಿಮಾ ಶೂಟಿಂಗ್ ಮಲ್ತೊಂದಿತ್ತ್‌ದ್, ಚಿತ್ರತಂಡೊಗ ನೋಟಿಸ್ ಕೊರ್ಯೆರ ಶಿವಮೊಗ್ಗದ ಜಿಲ್ಲಾಧಿಕಾರಿ ಗುರುದತ್ ಹೆಗ್ಡೆ ಸೂಚನೆ ಕೊರ್ತೆರ್. ಮಾಸ್ತಿಕಟ್ಟೆ ಮಾಣಿ ಡ್ಯಾಮ್‌ದ ಕೈತಲ್ ಕಾಂತಾರ ಶೂಟಿಂಗ್ ನಡತೊಂದಿತ್ತ್‌ದ್, ತಹಶೀಲ್ದಾರ್ ರಶ್ಮಿ ಮುಕೇನ ನೋಟಿಸ್ ಜಾರಿ ಮಲ್ದೆರ್ ಪನ್ದ್ ತೆರಿದ್ ಬೈದ್ಂಡ್.
ನೋಟಿಸ್‌ಗ್ ಉತ್ತರ ಕೊರ್ತಿನ ಕಾಂತಾರ ಟೀಮ್ ಬೆಂಗಳೂರ್‌ರ್ದ್ ಅನು ಗೆತೊಂದ ಪನ್ದ್ ಪನ್ತ್ಂಡ್. ಆಂಡ ಸ್ಥಳೀಯ ಆಡಳಿತೊರ್ದು ಅನು ಗೆತೊಂದುಜ ಪನ್ದ್ ಉತ್ತರ ಕೊರ್ತೆರ್. ಬೆಂಗಳೂರ್‌ರ್ದ್ ಅನು ಗೆತೊಂಡಲಾ ಒವ್ವೇ ಜಾಗೆಡ್ ಶೂಟಿಂಗ್ ಮಲ್ಪುಂಡ ಅಲ್ಪದ ಸ್ಥಳೀಯ ಆಡಳಿತೊದ ಅನು ಗೆತೊನೊಡು ಪನ್ಪಿ ನಿಯಮ ಉಂಡು ಅಂಚಾದ್ ಇತ್ತೆ ಕಾಂತಾರ ಟೀಮ್‌ಗ್ ಜಿಲ್ಲಾಧಿಕಾರಿಲು ನೋಟಿಸ್ ಕೊರ್ತೆರ್.