Last updated on June 14th, 2025 at 08:36 am
ಬಂಟ್ವಾಳ, ಜೂನ್ 14: ಜೀಪ್ ಬುಡೊಂದುಪ್ಪುನಗ ಬೈಕ್ಡ್ ಬತ್ತಿನಕುಲು ತಲ್ವಾರ್ ಬೀಜಿನ ನಡಕೆ ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಸ್ಟೇಶನ್ ಸೀಮೆದ ದೇರಾಜೆ ಪನ್ಪಿನಲ್ಪ ನಡತಿತ್ತ್ದ್, ಈ ಬಗೆಟ್ ಪೋಲಿಸ್ ಸ್ಟೇಶನ್ಡ್ ಒಯಿಲ್ ಬರೆಪಾದೆರ್.
ಸಜೀಪಮುನ್ನೂರ್ ಗ್ರಾಮೊದ ಉಮರ್ ಫಾರೂಕ್ (48) ಪನ್ಪಿನಾರ್ 11.06.2025 ತಾನಿ ಕಾಂಡೆ, ಇಲ್ಲರ್ದ್ ಜೀಪ್ಡ್ ದೇರಳಕಟ್ಟೆದಂಚಿ ಪೋವೊಂದುಪ್ಪುನಗ ಸಜೀಪ ನಡು ಗ್ರಾಮೊದ ದೇರಾಜೆ ಬಸ್ ಉಂತಡೆದ ಕೈತಡೆ ಎತ್ತ್ನಗ ಸಾದಿಡ್ ಎದುರುಡೆ ಬೈಕ್ಡ್ ಬತ್ತಿನ ಇರ್ವೆರೆಡ್, ಪಿರವು ಕುಲ್ದಿತ್ತಿನಾಯೆ ತಲ್ವಾರ್ ಬೀಜಿದೆ.
ಈ ಪೊರ್ತುಡು ತಲ್ವಾರ್ ಕೊಲ್ತ್ದ್ ಪಿರ್ಯಾದಿದಾರೆರೆನ ಗಾಡಿದ ಸೈಡ್ ಮಿರರ್ ಪುಡದ್ಂಡ್. ನಡಕೆದ ಬಗೆಟ್ ಪಿರ್ಯಾದಿರೆರ್ ತೇದಿ; 13.06.2025 ತಾನಿ ಕೊರ್ತಿನ ಒಯಿಲ್ದ ಆಧಾರೊಡು ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಸ್ಟೇಶನ್ಡ್ ಅ ಕ್ರ ನಂಬ್ರ : 68/2025 ಕಲಂ : 109, 324(4), ಒಟ್ಟುಗು 3(5) BNS ದ ಪ್ರಕಾರ ಪ್ರಕರಣ ದಾಕಲಾತ್ಂಡ್.