Last updated on June 24th, 2025 at 09:49 am
ರಾಮಕುಂಜ, ಜೂನ್ 24: ರಾಜ್ಯ ಸರ್ಕಾರೊದ ಜನವಿರೋಧಿ ನೀತಿಲೆನ್, ಭ್ರಷ್ಟಾಚಾರ, ಅಭಿವೃದ್ಧಿದ ಗೋಸ್ಮರಿಲೆನ್ ವಿರೋಧಿತ್ದ್ ಬಿಜೆಪಿ ಪ್ರತೀ ಗ್ರಾಮ ಪಂಚಾಯತ್ ಮಟ್ಟೊಡು ಕೋಡೆ ಪ್ರತಿಭಟನೆ ಮಲ್ತ್ಂಡ್.
9/11 ಪಟ್ಟುನ ಅಧಿಕಾರೊನು ಗ್ರಾಮ, ತಾಲೂಕ್ ಪಂಚಾಯತ್ಲೆರ್ದ್ ದೆತ್ತ್ದ್ ನಗರಾಭಿವೃದ್ಧಿ ಪ್ರಾಧಿಕಾರೊಗು ಕೊರ್ದು ಜನೊಕ್ಲೆಗ್ ಬಂಙ ಕೊರೊಂದುಪ್ಪುನ, ದುಂಬು ಪಂಚಾಯತ್ರ್ದ್ ಪಾಪದಕ್ಲೆಗ್ ಕೊರೊಂದಿತ್ತಿನ ಇಲ್ಲ್ದ ಯೋಜನೆನ್ ಉಂತಾದಿನ, ಪೆನ್ಶನ್ ಗೆತೊನುನಕ್ಲೆನ ಸಂಖ್ಯೆ ಕಮ್ಮಿ ಮಲ್ದಿನ, ಭ್ರಷ್ಟಾಚಾರ, ಕೆಂಪುಕಲ್ಲ್ ದೆಪ್ಪೆರೆ ಬುಡಂದಿನ ಇಂಚ ಪಾಕ ವಿಷಯೊಲೆಡ್ ರಾಜ್ಯ ಸರ್ಕಾರೊದ ಜವನಿರೋಧಿ ನೀತಿಲೆನ್ ವಿರೋಧ ಮಲ್ತ್ದ್ ರಾಮಕುಂಜ ಗ್ರಾಮ ಪಂಚಾಯತ್ಡ್ ಬಿಜೆಪಿ ಕೋಡೆ, ಜೂ 23ದಾನಿ ಪ್ರತಿಭಟನೆ ಮಲ್ತ್ಂಡ್.
ಈ ಪೊರ್ಮ್ಬಾಟೊಡು ಪಂಚಾಯತ್ ಗುರ್ಕಾರ್ದಿ ಸುಚೇತಾ, ಉಪಾಧ್ಯಕ್ಷೆರ್ ಕೇಶವ ಗಾಂಧಿಪೇಟೆ, ಪ್ರಶಾಂತ್ ಆರ್ ಕೆ, ಧರ್ಮಪಾಲ್ ರಾವ್ ಕಜೆ, ತೇಜಸ್ವಿನಿ ಗೌಡ ಕಟ್ಟಪುಣಿ, ಶರತ್ ಕೆದಿಲ, ಉಮೇಶ್, ಸೂರಪ್ಪ ಕುಲಾಲ್ ಬರೆಮೇಲ್, ಪೂವಪ್ಪ ಗೌಡ ಸಂಪ್ಯಾಡಿ ಇಂಚ ಪಾಕ ಜನ ಸ್ಥಳೀಯ ಬಿಜೆಪಿ ನಾಯಕೆರ್ ಬೊಕ್ಕ ಕಾರ್ಯಕರ್ತೆರ್ ಪಾಲ್ಪಡೆಯೆರ್.