Last updated on June 11th, 2025 at 04:06 pm
ದೆಲ್ಲಿ, ಜೂ. 11: ದೇಶೊಡೊರ್ಮೆ ನನ ಎಸಿ ಲೆಗ್ ರೆಗ್ಯುಲೇಟೆಡ್ ಟೆಂಪರೇಚರ್ ಲಿಮಿಟ್ ಸೆಟ್ ಮಲ್ಪೆರೆ ವಿದ್ಯುತ್ ಸಚಿವಾಲಯ ಅಟ್ಟನೆ ಮಲ್ತೊಂದುಂಡು.
ಹವಾಮಾನೊಡು ಆವೊಂದುಪ್ಪುನ ಪಗತೆಲು ಅಂಚೆನೇ ಒಂಜಿ ಎಲ್ಯ ಜಾಗೆನ್ ತಂಪು ದೀವರೆ ಇಪ್ಪುನ ವ್ಯವಸ್ಥೆಲೆರ್ದಾವರ ಪಿದಯಿಡ್ ಬೆಚ್ಚ ಏರುನೆನ್ ಅಂಕೆಡ್ ದೀವರೆ ಬೋಡಾದ್ ಕಾರ್ ಸೇರ್ದ್ ಮಾತಾ ವಲಯೊಲೆಡ್ ಎಸಿಲೆನ ಕಮ್ಮಿ ತಾಪಮಾನೊನು 20°C ಅಂಚೆನೇ ಎಚ್ಚಿಗೆದ ತಾಪಮಾನೊನು 28°C ಗ್ ಗೊತ್ತು ಮಲ್ಪೆರೆ ನಿರ್ಧಾರ ಮಲ್ತ್ದ ಪನ್ದ್ ಕೇಂದ್ರ ವಿದ್ಯುತ್ ಸಚಿವೆ ಮನೋಹರ್ ಲಾಲ್ ಖಟ್ಟರ್ ಪನ್ಡೆರ್.
ಈ ಪೊಸ ನೇಮೊಲು ಎಸಿದ ಗಲಕೆನ್ ಏಕರೂಪತೆಗ್ ಕನಪುನ ಈಡ್ ದೀವೊಂದ. ಬಾರೀ ತಂಪು ಮಲ್ಪುನ ಸೆಟ್ಟಿಂಗ್ಲೆರ್ದಾವರ ಎಚ್ಚ ಕರೆಂಟ್ ಗಲಕೆ ಆವೊಂದುಪ್ಪುನೆನ್ ಕಮ್ಮಿ ಮಲ್ಪಾಯೆರೆ ಸಕಾಯ ಮಲ್ಪುಂಡು ಪನ್ದ್ ಸಚಿವೆರ್ ಪನ್ಡೆರ್.