Last updated on June 2nd, 2025 at 12:21 pm
ಉಳ್ಳಾಲ, ಜೂನ್ 2: ತುಳುನಾಡ ಪೆರ್ಮೆದ ರಾಣಿ ಅಬ್ಬಕ್ಕನ ಚಿತ್ರ ಇತ್ತಿನ ಶಾಶ್ವತ ಮುದ್ರೆ ಬೊಕ್ಕ ಪಿಕ್ಚರ್ ಪೋಸ್ಟ್ ಕಾರ್ಡ್ ನ್ ಕುಡ್ಲದ ಉಳ್ಳಾಲ ಒತ್ತು ಪೋಸ್ಟ್ ಆಫೀಸ್‌ಡ್ ಮೇ 29 ದಾನಿ ಬುಡುಗಡೆ ಮಲ್ತೆರ್. ಈ ಮುಕೇನ ರಾಣಿ ಅಬ್ಬಕ್ಕಗ್ ಕುಡೊಂಜಿ ರಾಷ್ಟ್ರೀಯ ಮಾನಾದಿಗೆ ತಿಕ್ಕಿಲೆಕ ಆತ್ಂಡ್.
ಕುಡ್ಲ ವಿಭಾಗೊದ ಪೆರಿಯ ಟಪಾಲ್ ಅಧೀಕ್ಷಕೆರಾಯಿನ ಶ್ರೀ ಸುಧಾಕರ ಮಲ್ಯೆರ್, ಈ ಶಾಶ್ವತ ಮುದ್ರೆ ಬೊಕ್ಕ ಪಿಕ್ಚರ್ ಪೋಸ್ಟ್ ಕಾರ್ಡ್‌ನ್ ಮಲ್ಲ ಬಿನ್ನೆರಾಯಿನ ಬಂಟ್ವಾಳ ರಾಣಿ ಅಬ್ಬಕ್ಕ ತುಳು ಅಧ್ಯಯನ ಕೇಂದ್ರೊದ ಗುರ್ಕಾರ್ಲು ಡಾ. ತುಕಾರಾಂ ಪೂಜಾರ್ಲು, ರಾಣಿ ಅಬ್ಬಕ್ಕ ಉತ್ಸವ ಸಮಿತಿದ ಗುರ್ಕಾರ್ಲು ಶ್ರೀ ದಿನಕರ್ ಉಳ್ಳಾಲ ಮೊಕಲೆನ ಒತ್ತುಪಾಲ್‌ಡ್ ಬುಡುಗಡೆ ಮಲ್ತೆರ್.
ಈ ಸ್ಟಾಂಪ್‌ಡ್ ಇಪ್ಪುನ ರಾಣಿ ಅಬ್ಬಕ್ಕನ ಚಿತ್ರೊನು ಬಂಟ್ವಾಳದ ರಾಣಿ ಅಬ್ಬಕ್ಕ ತುಳು ಅಧ್ಯಯನ ಕೇಂದ್ರೊದ ಮುತಾಲಿಕೆಡ್ ಪದ್ಮಶ್ರೀ ಪ್ರಶಸ್ತಿ ಗೆಂದಿನ ಕಲಾವಿದೆ ವಾಸುದೇವ ಕಾಮತೆರ್ ಬುಡ್ಪಾದೆರ್.